من بير قلم اولسايديم يازارديم خوشلوقلاري يازارديم گؤزل‏ليگي يازماز ايديم آزاري من بير قلم اولسايديم يازمازديم يامانليغي يازمازديم چيركين‏ليگي نه ده بدگومانليغي من بير قلم اولسايديم ايشله‏يرديم احسانا خوش گونلر آرزولارديم دونيادا هر انسانا من بير قلم اولسايديم ايشله‏مزديم كينه‏يه كيمسه‏ني اينجيتمزديم دؤنمز ايديم ايگنه‏يه قلم اولسايديم اگر بير شاعرين ديليندن اينجه سؤزلر يازارديم دوشمز ايديم اليندن شيرين‏ليكدن يازارديم قلم اولسايديم هاچان ماتملردن قاچارديم اولارديم شن‏ليك ساچان يازمازديم حقسيزليگي دوغرانيب قيريلسايديم ايشله‏مزديم جلاّدا من…

اي کؤنول، بير آلچاق، بير نانجيبين الفت کنديريني بيچگيلن قورتول آبير-حياسيندان قورخمايانلاردان آياق توتان قدر قاچگيلن قورتول مخنث باده¬سين ايچمه آماندير تولکو دالداسيني سئچمه آماندير نامرد کؤرپو تيکه کئچمه آماندير کؤرپودن کئچمکدن کئچگيلن قورتول خسيس سوفره¬سينين باشينا کئچمه خسيس اؤلچنلري سن داها بيچمه آجيندان اؤله¬سن آشيني ايچمه آشدان ساري زهري ايچگيلن قورتول توش اولسان قونشودا قيرميزي اوزه هئچ دوروب اونونلا گلمه اوز-گؤزه قديمدن دئييبلر آتالار بيزه قونشون يامان اولدو کؤچگيلن قورتول آلچاق آداملاردان گلسه چؤره¬گين…