بیزه گلسن / پینار شاکر

بیزه گلسن / پینار شاکر

    سئوگیلیم آزادلیق عطیرلری ساتیرام ایسفند خیاوانینین ایکینجی یاساق پیلاکیندا بیزه‌ده گله‌رسن توکانیمادا گلنده بیر یاریم سیقارا بیرده تبریزی گتیر ائویمیز قوناق گئتسه سیقار قوتولاریندا ایله‌شریک یادا گلمه آغاج‌لار جانی وطن جانی گلمه بیزه آخی … یوخولاریمدا اؤلن آداملار سحر چاغی دیریلدیلر اؤلدولر دیریلدیلر دیلیمین قابارلاریندا ایسفند آیی ساچلاریمین دن‌لرینده ایسفند قاری منی گؤرمه اوزولرسن.. بیزه گلمه اؤلرسن.. یادا بیزه گلسن ائلیمی‌ده گتیر دیلیمی‌ده!   پینار شاکر  

بیشتر بخوانید

قادینین گنل اولاراق توپلومدا کی یئری / پینار شاکر

قادینین گنل اولاراق توپلومدا کی یئری / پینار شاکر

هئچ شوبهه سیز گونوموزده قادین اولماق داها بیر چتین حالا گلمیشدی. قادین لارین کیشی لر مقایسه ده داها فرقلی بیر یاشام طرزلری واردیر. کیشی لر کیمین راحت و ساده بیر یاشام طرزلری یوخدور،اؤزللیکله داها آز گلیشمیش توپلوم لاردا قادینین یاشامی داها چتیندیر. بو توپلوم لاردا هئچ بیر دییر گورمه ین قادینلارین یاشاماسی بئله بعضا بیر معجزه دیر. گلیشمیش توپلوم لار اوچون سون ایل لرده اورتایا چیخان قادین_کیشی برابرلیک قاورامی کئچرلیدیر. قادینلار بو توپلوم لاردا اؤنملی…

بیشتر بخوانید

شئعر / پینار شاکر

شئعر / پینار شاکر

سن ممفیس‌ده من… سن گؤیلومه دوشدوکجه تلفون فیشینه باخیب دانیشیرام نئچه ساهاتلیق اوزون جومله‌لرله بوگونو بئله یاشادیم بوگون سوفرام رنگ به رنگ شامیما الکتیریک فیشلرینی قیزادیب یئدیم بوغازیمدا قالینجا سو فیشینی چکدیم باشیما هله بونلاری بوراخ هاوا چوخ سویوقدور بوغازیم گلیب سوبادا قاز فیش‌لرینی یاندیریرام اورگیم قیزیشیر ائله گؤزل یاشاییرام کی سن ممفیس‌ده من نم هانسی جهنم دره‌ده: وطنیمی ساتیب کیرامی اؤده‌ییرم پینار شاکر

بیشتر بخوانید

بوتون کئشکم‌لریمدن / پینار شاکر

بوتون کئشکم‌لریمدن / پینار شاکر

بوتون کئشکم‌لریمدن آرینیرام بو گئجه بو گئجه… ایت‌لر هورور اولدوزلار تک-تک سؤنور آی پنجره‌دن ایچری بویلانیب گؤزلریله منی سوزور منیم‌سه گؤزلریم آسیلی قالیب کیرپیک‌لریندن اینتحار ائدیرم تبسم یاماقلی دوداقلاریندان سیانور امیرم بوگئجه لعنت اولسون گؤزلرینه دوداقلارینا سن سنی سئویرم‌لرین یالانچی‌سی‌سان آلدادیرسان منی گؤزلرین بیر اویون آشیغی‌دیر منی اوینادیر من‌سه اویونجاق دئییلم آلما دئسن گلیم حئیوا دئسن گلمه‌ییم سئوگیلیم بو گئجه دانیشدیغیمیز سؤزلره بویلو قالمیشام یالانچی سنی سئویرم‌لره یئریکله‌ییرم آلما دئسن ده حئیوا دئسن ده گلیرم…

بیشتر بخوانید

بیر اوغلان واردی

بیر اوغلان واردی

پینار شاکر بیر اوغلان واردی ساچلاریمی سئومزدی سئوردی بئینیمین تومورجوقلارینی باخیشلاریمی فولکولور یازاردی بیرازدا رسام دی باش آغریلاریمی چکردی اؤلوم فئستیوالیندا، سرگیلردی شکیل لریمی.. شکیللریمین ساچلاری واردی قارالاردی آغاراردی قارالاردی گؤزوم آغرایاردی باشیم.. شکیل لریمین دوداغی قاچاردی, قاناد آچاردی اوچاردی آغرامازدی باشیم.. باشماقلاریم منیم هچ باشماغیم اولمادی.. قاشماغیم.. اوچماغیم… ساری تاکسیلر آردیندا, (اوچماق یاغمورلو هاوادا اینتیحاردیر ) بیر اوغلان واردی عملیات ماساسیندا قارنیندان چیخاردیلار ساچلاریمی … بیر اوغلان واردی قانادی واردی بیز ائولنه جک دیک…..

بیشتر بخوانید