تانسینیرام / ساجدی فر

تانسینیرام / ساجدی فر

بوغاز آلتیندا گولن بالتالاری تامسینرام دویغوما قان-سو وئرن داملالاری تامسینرام روحومو قات-قاریشیق اینجه‌لی بیر لئش اولادیر چن گؤزوندن سؤکولن شاختالاری تامسینرام بیر ساعات بومباسی تک ، پارتلا وطنسیز ، وطن هئی چارمیخا دور چکیلن دورنالاری تامسینرام بوردا اورمان ساچینی سیسلی بوران یولمادادیر گونش اووجوندا دونان تارلالاری تامسینرام و گونش باتماسینا قانلا بویاندیقجا دنیز بیر لئشی چالخالایان دالغالاری تامسینرام آرزیلار مصرعینی آه… بو غزل قیشقیراراق بوغاز آلتیندا گولن بالتالاری تامسینرام سجاد ساجدی فرد (یئنیلمز)

بیشتر بخوانید

چال / سجاد ساجدی فرد (یئنیلمز)

چال / سجاد ساجدی فرد (یئنیلمز)

چال قوی سازین سسی میشیل- میشیل هاوالانیب بیرر-بیرر لپه‌لندیرسین سوموکلریمی چال قوی سازین سسی روحومون دیدرگین دوشن شکسته‌سینده هارایلانیب منی مندن آلیب قوینوندا اوسانمادان شاعیرجه‌سینه یارانیشا تاپشیرا سیغمازلیغیمی قوی سازین سسی، قوپوز تئللريندن قوپان دویغولارلا دوداقلاشیب هچ بیر ماهنیدا بیتمه‌دن دلی‌جه‌سینه یئنی‌دن دوغولاراق……. کؤکسومه قایتارا آللاه‌لیغیمی چال قوی کیمسه‌لر اوممادان، بیر کره دینگیلله‌ديم……. بارماقلاریندا سوسان مین ایللیک حسرتیمی دده قورقود تاریخیمی علسگر بابامین اولمزلیگینی حسین جاوان تورکوسونده دیدیم-دیدیم دیدیلمیش وطن نیسگیلینی چال چال چااااااال لاپ…

بیشتر بخوانید

شئعر / سجاد ساجدی فرد (یئنیلمز)

شئعر / سجاد ساجدی فرد (یئنیلمز)

يئنه سس‌سيز چيغيرير منده قالاقلار، قاداسی سانکی هئی ییرغالانیر منده بو داغلار، قاداسی سویولور قات- قات ایچیمده کؤزه‌رن دویغولاریم سورونور یوللارا هئی سورگون ایاقلار، قاداسی سن گئدندن كوچه‌نین توم قاپانیب، قاپ – باجاسی باغیریر بوردا سنی توزلو يولاقلار، قاداسی اوخشاییر ایندی داها اللریمی آینا-داراق توتوشوب آینالارا قانلی ساچاقلار،  قاداسی

بیشتر بخوانید