قوْلچاغيم / درویش

قوْلچاغيم / درویش

  گل اوْيناياق آي قوْلچاغيم گلينلره تاي قوْلچاغيم گل داراييم ساچلاريني سهمان اوْلا داي قوْلچاغيم يئميشيمدن ساخلاميشام بير آز سنه پاي قوْلچاغيم سماوارا اوْد سالميشام وئره‌م سنه چاي قوْلچاغيم يوُخون گلير، يئرين ساليم دوُر ائله لاي ‌ـ لاي قوْلچاغيم

بیشتر بخوانید

دورنا قيزيم

دورنا قيزيم

  چاتما قاشلي، دورنا قيزيم آي ساچلاري بوُرما قيزيم گل درسيني ازبر ائله ائوده بئكار دوُرما بئله واختين اگر اوْلسا حدر عزيز عوًمرون هئچه گئدر باشارديقجا گل اوْخو ياز قيشي قيش، ياز باهاري ياز درس اوْخويان عاليم اوْلار اوْخومايان ظاليم اوْلار ظاليم اوْلار اوًز ـ اوًزونه گل آناوين باخ سوًزونه

بیشتر بخوانید

قيزيم

قيزيم

  گوونش قيزيم، آي قيزيم اوُلدوزوما تاي قيزيم پاييزيمدا، قيشيمدا باهار قيزيم، ياي قيزيم كهليك كيمي ساليرسان گوله ـ گوله هاي قيزيم سن گولنده گول آچير دوْداقلارين آي قيزيم تميز اوْلار بوُلاق چاي بوُلاق قيزيم، چاي قيزيم عشقين اَلي وئريبدير سني منه پاي قيزيم گوندوز اوْلار اوْيناسان ساعاتلاري ساي قيزيم ايندي هله گئجه‌دير لاي ـ لاي ائله داي قيزيم

بیشتر بخوانید

سلام اوُشاقلار

سلام اوُشاقلار

  سلام ـ سلام اوُشاقلار اي قلبي يوُموشاقلار گلين گئده‌ك داغلارا گوٍل چيچك‌لي باغلارا دسته ـ دسته گوٍل دَراق يوْلداشلارا گوًنده‌راق يوْلداشلارين بيري وار دوٍنيا اوْلوب اوْنا دار اوًلوب گئديب آتاسي وار بير ناخوش آناسي اوْلاري دينديره‌ن يوْخ بير كره گوٍلدوره‌ن يوْخ ياخشي اوْلماز بيز گوٍلاق يوْلداشيميز آغلاسين اينسان گره‌ك بو گوٍنلر يوْلداشيني يوْخلاسين اي دوٍشونن اوُشاقلار تانري سيزي ساخلاسين   درویش    

بیشتر بخوانید

ياغيشلار

ياغيشلار

  ياغدي ياغيشلار ايسلاندي قوُشلار جيم جيلاق اوْلدو حئيوان گاميشلار خيردا دامجيلار تئز بير اوْلدولار بير آز گئتديلر آرخا دوْلدولار آخماجا داشدي يوْللاري قاشدي چاتدي دَنيزه داغلاري آشدي «تك اَلدن چيخماز سس بو مثلدي» دامجيلار آخدي داشلاري دَلدي

بیشتر بخوانید

اوشاق شئعری / درویش

اوشاق شئعری / درویش

  يارالديب تاري دوونيادا واري آدامدا كاري هر گوولو خاري سويو هم ناري يارالديب تاري باغچاني، باغي دَره‌ني، داغي بوْستاني، تاغي آغاجي، باري يارالديب تاري اوُلدوزو، آيي دَنيزي، چايي پاييزي، يايي ياغيشي، قاري يارالديب تاري داغدا يارپيزي تاغدا قارپيزي ناري قيرميزي هئيواني ساري يارالديب تاري                  

بیشتر بخوانید

ياز گليبدي / درویش

ياز گليبدي / درویش

    آي اوُشاقلار گلين باغا ياز گليبدي، ياز گليبدي گلين گئده‌ك اوْيناماغا ياز گليبدي، ياز گليبدي ساري كوًينك اوْخويوري ياز گليبدي، ياز گليبدي سوًزو ـ سوًزه توْخويوري ياز گليبدي، ياز گليبدي سرولرين بوْيو اوُجا ياز گليبدي، ياز گليبدي گوٍلور بوٍيون جاوان، قوْجا ياز گليبدي، ياز گليبدي دوُرنا گليب، قاز گليبدي ياز گليبدي، ياز گليبدي عاشيق گليب، ساز گليبدي ياز گليبدي، ياز گليبدي باغچا گوٍلور، باغ گوٍلوري ياز گليبدي، ياز گليبدي دَره گوٍلور، داغ گوٍلوري…

بیشتر بخوانید