من اؤزگور بیر قوشام اؤز قفسیمده دولانیب یاشیرام اؤز نفسیمله اوچورام اوخورام فرحله نه رک یئییرم دنه می اینسان ألیندن ایچیرم سویومو یاشیل قابیمدا… من ایچدیگیم سولار تمیزدیر تمیز کولورلانیب بو سو… اینسان ألیله گؤیده اوچان قوشلار سویوقدا یاتیر… گؤرورسن اوچ گونله دنه تاپماییر ایچیری سویونو لئه لی بولاقدان تاپمیری بیر یووا قار توتموش باغدان من یئدیگیم دنه لر آریتلانیب لار صاحابیم آلیبدیر باها قئیمته منیم قفسیمده اوچ یاتاغیم وار… دوزه لدیب صاحابیم دمیر مفتیلدن…

  ‍ فیکریمین اؤنونده ساری بیر تابلو دایان احتیاطلا سووش دئییری وطنین سمتینه دؤنمک یاساقدیر سئوگی‌یه دؤننده یاواش دئییری نه‌یه فیکیرلشسن ، فیکیرلش آما دیلینین سمتینه دؤنمه تاماما گئتسن او طرفه یئتر اعداما باخسان پنجره‌دن ساواش دئییری أل چکه بیلمه‌سن ایستک‌لریندن قورشونلار ده‌یه‌جک ببک لریندن گرک أل چکه‌سن أمک لریندن چؤره‌یین اولاجاق بیر داش دئییری یاواش گئت، یاواش باخ، یاواش فیکیرلش یاواش سئوگیلینله دانیشیب بیرلش تکجه اؤزونله اول ، اؤزونله سیرلش بوندان آرتیق اولماز تلاش…

‍ ‍ اؤتن چاغلاردا شاعیرین سینه سینی یار داغلاردی ایندی ایسه سیگارئتله داغلاییرلار سینه‌سینی… بو سوچا کی: قارالارا آغ دئمه‌ییب آغ یئرلره باغ دئمه‌ییب او سوللارا ساغ دئمه‌ییب آدام ساتماق أمه‌گیله بیر تیکه چؤرک یئمه‌ییب…. تایماز مییانالی

‍ سيلکيندى گئجه ساچلارينى آى ايشيغيندا دَن‌ دَن تؤکولور سئوگى‌سى آخ واى ايشيغيندا اولدوزلارى بيربير ساپا دوزدوم گئجه يارى آسديم ياناغيمدان سوزولن چاى ايشيغيندا سندن منه بير قانلى اورک قالدى امانت اوخلانميشيدى بير گئجه‌ليک ياى ايشيغيندا سئودا يولونو هر گئجه آدديملاييرام من آختارمادايام ايزلرينى داى ، ايشيغيندا آى‌دا اوزاديب أللرينى دویغوما ساری کؤلگم ايليشيب تئللرينه پاى ايشيغيندا سيلکيندى گئجه ساچلارينى آى دومان ايچره تايمازدا اوخور اول ساچا لاى‌لاى ايشيغيندا تایماز مییانالی  

غریب دوشموشم اؤزومدن تانیتدیرین منی منه قوردلار اولاییر گؤزومدن سوراغ وئرین چنی منه پارچالانیب منلیک لریم ایتیبدیر أرنلیک لریم ألدن گئدیب شنلیک لریم تاپین وئرین شنی منه چامورلانمیش اورک گؤلوم بؤلونموشم بؤلوم بؤلوم آ دوستلاریم بو “من اؤلوم” یول گؤسترین یئنی ، منه گونش یولو باغلانیب سا اوره گیمیز داغلانیب سا قارا تئل‌لر آغلانیب سا آ…ه قیمایین دنی منه هارام واردیر ، هارا؟ دئیین! یار یارامی یارا دئیین تایمازا بیر چارا دئیین یا قایتارین منی…

یادیندامی گئدیردیک چئیین-چئیین أل أله؟/ بولودلارا دئییردیک قار یاغیشین سَپه له/ ایسلات بیزی آی بولود، قوی سئودامیز تَر اولسون/ عشقیمیز بو دونیادا، مجنوندان بتَر اولسون/ شاختا ویردی اوشوتدو ، قیزارمیشدی اوزوموز/ آما یئنه گئدیردیک یورولموردو دیزیمیز/ یادیندامی دئییردین ، بازاردان بیر شال آلاق/ باغلا اونو بوینونا ، باشینا قوی بیر پاپاق/ دئییردیم کی سئوگیلیم ، عشقینین حرارتی/ قویماز منی اوشویم ، بودور عشقین عادتی/ یادیندامی اوشودون؟ بیرجه کاسا آش ایچدیک/ تئز آیریلماماق ایچین ، آشی…

بیلمیرم او کئچمیش گونلرده نه وار؟ اونلارا گئدنده ایتیرم اوردا حسرتیم اورادان باشلانیر زار-زار گئدیرم اؤزومو ایتیرم اوردا چولغاییب قارا گون، گونلری منده أللریم ألینه چاتماییر داها باتیرام اؤزومده ایتیرم سنده بو قارا باتیریب منی گوناها چوخداندیر ایتمیشم بو کوچه لرده چیراغلار گؤزومو قاماشدیریرلار آسیلی قالمیشام بو هنده ورده ایشیقلار یولومو لاپ چاشدیریرلار آجیلار باغریمی آلیب قوینونا دردلر أل چالیرلار یارالاریما آیریلیق حسرتین آلیب بوینونا سئللرده یول وئرمیر سارالاریما گلیرم دالینجا دومانلی یولدا ایتیریب اؤزونو…

‍ ‍ اوره يمين گؤزلرينده داراقلانير ماوى گؤزلو شئيطانليغين ته تيگی چه ك چه ك ته تیگی وور كؤنلومون ساغ گؤزوندن بلكه بير آن كيرلنمه سين اوره ييمين كؤرپه لييى بلكه بيرده ديسكينمه سين خان آرازين ساحيلين ده سئوگيميزين تومورجوغو…. چه ك ته تيگی اؤلدور منيم قافلانتى لى باخيشيمى ساوالانلى ياناغينا ، اؤلدور منى…… سرحدلردن كئچن دورنا گتيره جك اوره ييمين ويزاسينى گؤزلرينين گمرك ينه اوندا آل جير پاسپورتومو دئپورت مؤهرو وير سسيمه بير داهادا…

قارا گؤزلرينده گؤزلريم قاليب يوخلوغون كؤنلومو پيس گونه ساليب مندن منليگيمى چوخداندير آليب اؤلدوم يالقيزليقدان گل داها دورما سن منيم اؤزومسن گئتدين بس هارا؟ گئديشين چكيبدير كؤكسومه قارا گئدركن ويريبسان قلبيمه يارا بو يورغون گؤزلرى بيرداها يورما دون گئجه سؤيله دين گله جه يم من بو يانليش خيالدان ساچيمدا وار دن آند اولسون جانينا من اولموشام سن سن داها منيمدن منيمى سورما تايماز اينانمازديم بئله سى اولا پاييزدا گول آچيب باهاردا سولا دوغماز بولود كيمى…

یالانچی باخیشلار ، یالانچی گؤزلر یالانچی سئوگی لر، یالانچی سؤزلر یالاندان دولودور بو گونکو دوزلر قاچیرام اولماییر ، قالیرام اولمور باسیلیب یالاندان ایندی کی باشلار آلیبدیر دوزلری یالان داش قاشلار سئوگی قوجاغیندا یاتیب اویناشلار قاچیرام اولماییر ، قالیرام اولمور خیانت چلنگی یاردان دانیشیر آزادلیق بایراغی داردان دانیشیر سؤیودلر ایندیسه باردان دانیشیر قاچیرام اولماییر ، قالیرام اولمور باتیبدی پالچیغا دوزلوگون آتی دوغویام سؤیله ییر ایندیکی باتی أیریلیک دوزلوگو بازاردا ساتی قاچیرام اولماییر ، قالیرام اولمور اوغرولار…