بلکه ده، او گون، او دؤنگه‎ده، او ایشیق دیره‎یی‎نین يانیندا ایشیقچی احمدله راستلاشماسايدیم، هر شئي بیر باشقا جور اولاجاقدی، بلکه ده، ایشیقچی احمد اؤلمه‎يه‎جکدی…     بیلمیرم، بلکه ده، ایشیقچی احمد قیزمار ياي گونونده، آرانین ایلغیمینداجا اؤزو منیم قاباغیما چیخمیشدی کی، اؤلسون. اؤلدو ده.     او دا بیر غریبه آدام ایدی. الینده پورتفئلی(چرمی کیف)، باشیندا «آئرادروم»کئپکاسی، داماغیندا «تو-۱۳۴»، بیر ده گئتدیی يئرده قفیل دايانماغی واردی -دئيردین، بو آدام بیر ایشیق دیره‌یی‌دیر و من او گون…