عزیز اوساقلار! بورادا بیر کتاب ایله تانیش اولاق. بو کتابی محمدعلی برزگر گرگرلی آراز اوشاقلار اوچون یازمیشدیر. بورادا ساد ه دیل ایله مختلف موضوعلاری شعره چکمیشدیر. شاعیر چالیشیر اوشاقلاری حیوانلار و اؤزه للیک له قوشلار ایله تانیش ائتسین. عینی حالدا شاعیر اؤزو هر بیر موضوعا شکیل لر ده چکیر. بورادا بیر شعرینی اوخویاق:   گوللر؛ چیچک لر بیزیم داغلاریمیزدا آچار گوللر، چیچک لر. عطرینی اؤلکه میزده ساچار گوللر، چیچک لر.   هردن آراز ایزینده هردن…

    اوُمودوما آرخايينام قيشدان سوْرا، ياز گله‌جك گوًل اوْلاجاق زيني سوُلار قوُرو گوًله قاز گله‌جك قيرقين دوٍشه سروليقا بيزيم سروناز گله‌جك گوٍلوستانا بوُندان سوْرا بوٍلبول كئفي ساز گله‌جك شنليك بيزه خوْش گله‌جك غم‌ده بيزه آز گله‌جك يوْلداشيميز كوٍسولسه‌ده ائيله‌سه‌ده ناز گله‌جك سانازگيلي ـ فرنازگيلي گوًرماغا سوْلماز گله‌جك يوْلداشليقدان، قارداشليقدان كيم كئچمه‌سه واز گله‌جك وارليقيني ايتيره‌نلر اوًزلَرينه «ياز» گله‌جك كدر سيخان بوْغازلاردان غم ييخان آواز گله‌جك داريخما كيم قيشدي بوٍيون صاباحلاري ياز گله‌جك    

بوغدا دانالارینی توپراغیما اَکدیم من. حاصیل وئرمه سی اوچون نه چوخ زحمت چکدیم من. بیر دانا بوغدا اَکدیم؛ باشاق(۱) بیتدي، مین اولدو. آرزیم بول قازانجایدي، ساتیشیندا چین اولدو(۲). دییرمانچییا ساتدیم بوغدالارین ییغیمین. دییرماندا دارتیلیب بوغدالار اولدولار اون. اونو چؤرکچی آلدي، اوندان پیشیردي چؤرك. چؤره یی آلدیم، یئدیم؛ اودور قووتلی یئمک. توپراغیم اولماسایدي، زای ایمیش امه ییم ده. توپراغیم اولماسایدي، اولمازدي چؤره ییم ده. شعر: خسرو باریشان ۱۳۹۶/۱۱/۲۸ اوشاق شعري ۱-خوشه ۲-برآورد شد

  گل اوْيناياق آي قوْلچاغيم گلينلره تاي قوْلچاغيم گل داراييم ساچلاريني سهمان اوْلا داي قوْلچاغيم يئميشيمدن ساخلاميشام بير آز سنه پاي قوْلچاغيم سماوارا اوْد سالميشام وئره‌م سنه چاي قوْلچاغيم يوُخون گلير، يئرين ساليم دوُر ائله لاي ‌ـ لاي قوْلچاغيم

پوزقون گنج اوغلان ایمام رضا (ع)ین حرمینه گیریب، حوض قیراغیندا اوتوروب باشینی اللرینه آلدی. یادینا گلندن اوشاقلیغدان آتاسی ایله کفتر ساخلاییب، اوچوردوب، اویناتمیشدی. ایندی‌ایسه سئودیگی قیزین آتاسی:  کفترلرین بوراخسان منیم قیزیما ائلچی دورا بیله رسن.  دئمیشدی” فیکره جوموب نه ائده جگینی، کفتر لردن نئجه آیریلماسینی، اونلاری کیمه تاپشیرماسینی دوشونه بیلمه ییردی. بیر آن دا ، حرم‌ده اولان کفترلرین قاناد سس لری ایله فیکیردن چیخدی. سئوینرکن گولومسه نیب یا ایمام رضا، کفترلریمی سنه امانت تاپیشیریرام دیه، کفترلری…

دالیسیندا قاپینین شاختا بابا دایانیر. پوفله دیکجه هر یانی شاختا، قار، بوران آلیر. ایچینده ایسه ائوین بوگون بوتون عائله چیلله شنلییی اوچون ییغیشیبلار بیر یئره. آنجاق ائلچین بالانین ذهنینده بیر سوال وار؛ دده سیندن سوروشور. ائشیکده ده یاغیر قار. مگر چیلله دئییل می ایلده لاب اوزون گئجه؟ قارانلیغا، شاختایا آخی سئوینیم نئجه؟ دونور حیوانجیغازلار؛ آغاجدان یاپراق دوشور. کوچه ده ساققیز ساتان اوشاق تیتره ییر، اوشور. دده سی دئییر: -آخی هرگون چیلله دن سورا اوزاناجاقلار گوندوزلر…

  بیری واریدی بیری یوخ ایدی آللاهدان ساوای هئچ کیم یوخ ایدی دونیانین بیر بوجاغیندا مئشه‌نین یانیندا بیر گؤزل کند واریدی، او کندین ایچینده بیر گؤزل قویون واریدی، گونلرین بیر گونو بو قویونون دوم آغ دوزلو بیر بالاسی اولور، بالاسی‌نین آدینی قار دنه‌سی قویار، آیلار کئچر قار دنه‌سی بؤیویوب ائولریندن ائشیگه چیخماق ایسته‌یر. آناسینا دئیر آنا من گئدیرم قاپیمیزدا اوینایام، گؤروم کوچه‌ده اؤزومه اویناماغا یولداش تاپارام. آناسی دئیر: گؤزه لیم قار دنه‌سی آنالار بیر دنه‌سی…

  چاتما قاشلي، دورنا قيزيم آي ساچلاري بوُرما قيزيم گل درسيني ازبر ائله ائوده بئكار دوُرما بئله واختين اگر اوْلسا حدر عزيز عوًمرون هئچه گئدر باشارديقجا گل اوْخو ياز قيشي قيش، ياز باهاري ياز درس اوْخويان عاليم اوْلار اوْخومايان ظاليم اوْلار ظاليم اوْلار اوًز ـ اوًزونه گل آناوين باخ سوًزونه