نئچه شئعر / قیزیل قلم

‍((یاز..!!)) سلسله تجنیس.
یاز یازدا یازیلان یازا یازانلار
یازیلسا یازینی یاز آنلارآنلار
یازدیغین یازینی یازدا یازالّار
یاز دِئییر آ شاعر یاز آنلارآنلار
ــــــــــــــــ
یازینی یازاندا یازدا یازارام
یازی یاز یاز اولسا یازدا یاز آرام
یازا یازا یازی یازدا یازا رام
یازینی یازانلار یازانلار آنلار
ـــــــــــــــ
«قیزیل‌قلم»یاز یازیسین یازدا یاز
یاز یازیلسا یاز دریندیر یاز دایاز
یاز یاز یازان یازی یازدی یازدا یاز
یازان یازار یازی یاز آنلار آنلار
✍«قیزیل‌قلم»✍
 

«قیزیل قلم»

 

«جیغالی تجنیس»
(کلام)
کلام کامل کلمه تکمیل نه کلام
بیر مکمّل کلام گؤردوم نه کلام
عاشق دییر نه کلام
نه یئتیمیش نه کالام
نه آلماغا سرمایه
ساتماق‌ایچون نه کالام
کلیم‌الله اَکمَل آلدی کلامی
کُلّ کَلَماتي کلیم نه کلام
ــــــــــــــــــــــــــ
کتاب اَلده کلام دیلده کَلَمات
دانیش اوخو یاز یازیلسین کَلَمات
عاشق دییر کلمات
کوتان گلدی کَلَه مات
کال کیمسه‌نین آغزینا
کال دَریب داش‌کَلَم آت
هادیراُول ها سوار اولسا کلام آت
کارا گلمز کالا دَگسه نه کالام
ــــــــــــــــــــــــــ
«قیزیل‌قلم»کال آدام‌دان کنار اُول
کنار دانیش کنار دولان کَـ‌نٰار اُول
عاشق دییر کنار اول
کان کان آتار کانا رُل
بعضی اوره‌ک‌لرده نور
بعضی‌لردن کنار اول
شَر خطادان فتنه‌لردن کنار اول
ایشیقلاندیر جان اِئوینی کَلَمْعٰات
✍«قیزیل‌قلم»✍
«شمع»
گؤردوم‌گئچن‌گئجه‌آلیشیب‌آغلاییردی‌شمع
اولمیشدی ‌تاروپودی جفائیله‌قلع‌وقَمع

ییغدی‌ییغیشدیریب‌اَتگین‌‌‌سیلدی‌گؤزیاشین
بیرجام ‌ایچینده دُرِّگُهَربارین ‌ائتدی‌جَمع

آلدیم‌خبر بو یانماقا آیا ندیر سبب؟
چوخ دقّتیله سؤزلریمه‌شمع‌وئردی‌سَمع

گلدی‌ خیال‌ عالمی ‌‌بیردن تَکَـلّـمه
هردن دانیشدیقیجا‌گؤزون‌دن سوزوردو دَمع

آلما‌خبر‌بو‌یانماقیمین واردیر علّتی
یاندیقجا عشقیم‌آرتیرار‌اطرافِ‌جان‌دا‌ لَمع

من یانماقا یاراندیم ازل‌دن«قیزیل‌قلم»
یاندیقجا آرتاجاق ‌منه عُشّاق‌ ایچینده طَمْع
✍«قیزیل‌قلم»✍
 

( سلسله تجنیس)
{یار}
یارادان،یارادیر،یاری، یارینا
یار یار،دئییر،یاردان،یارآلار،یاری
یارا،دَیسَه یارا،یار،یارار،یارین
یاری یارا،گؤرسه یارالار،یاری
ــــــــــــــــــــ
یارا،یاری،اولسا،یار اولار،یاری
یار یارین یاریسی ،یار اولار یاری
یار،یارین یارادیر،یاری یار،یاری
یار،یاری،ائیله‌سـَهْ، یارآلار،یاری
ـــــــــــــــــــــــ
«قیزیل‌قلم»یار،یاریندان‌،یاریدی
یار یار،اولسا،یارشانسیندان یاریدی
یارا یاردان، یارا گلسه، یاریدی
یارین، یارالارین، یار،آلار،یاری
✍«قیزیل‌قلم»✍
 

(جیغالی تجنیس)
قوشمالارایچینده گؤزلدیرگؤزل
یازیلسااوخونساجیغالـی تجنیس
عاشق جیغالی تجنیس
یازاجاق عالی تجنیس
تجنیس تجنیسه جواب
جوابین آلــی تجنیس
بیلیندیررسازین ســؤزون قیمتین
هریِئرده اوخونساجیغالی تجنیس
ـــــــــــــــــــــ
تِئللی سـازی کؤکلیینده دیلغمه
بیلمم نییه مسکن اولوردل غمه
عاشـق دییر دل غمه
دولماسین هئچ دل غمه
چاغیرین، یحیٰی بَگی
نغمه قوشسون دیلغمه
آرزوم بودوردولماسین هئچ دل غمه
آپارسین کَدَری جیغالـــــی تجنیس
ـــــــــــــــــــــــ
«قیزیل قلم »فراقه دؤزبیرقَدَر
محبتـــــی امتحان قیل بیرقَدَر
عاشـــق دییَر،بیرقَدَر
بیرقضـــــاواربیرقَدَر
یازینی پوزماق اولماز
یازان یازیب بیـــرقَدَر
هربیرزامان قیام اِئتسه بیر،قَدْ،اَر
اونا،یاراشارمی،جیغالـی تجنیس
✍«قیزیل قلم»✍

 

 

 

 

 

ارسال دیدگاه