شئعر / زهرا رضایی

 

دنیز قیراغینداکی قوملار اوستونده آدینی یازدیم.
دالغالار، شپه لر
آدینی گؤتوروب، دنیزه قاچدی.

شوشه نین باغرینا آدینی یازدیم.
شوشه نی تر باسیب
آدینی اریتدی.

آدینی داغلارا پیچیلداییردیم،
یئل قاپیب آدینی، گؤزومدن ایتدی

آدینی دیلیمه!!
یوخ گتیرمرم !!

آدینی
آدینی
سالدیم اورگه..
دؤیوندو، دؤیوندو
ساخلادی سنی..

اورکدن اورگه یول اولار دئمه
آدینی اؤزونه قایتاریم بلکه..

ارسال دیدگاه