دیلیم عزیزدی / ایوب شهبازی (یاشام)

چکدیم بیر یومورو باش
قویدوم ایکی قارا قاشقاشلارین آلتیندا گوز
آلما یاناق لی بیر اوز

فندق کیمی بیر بورون
دوداق ،چنه،بیر بویون

آغزینا دوزدوم دیشین
دیلی !!! قالدی بو ایشین

چکدیم ایکی قولاغین
ایکی قولون، آیاغین

شوه ، قارا تئللرین
بئش بارماقلی اللرین

ایندی خیاط اولموشام
پالتاریندا قالمیشام

آنجاق فیکیردن سورا
تاپدیم ایشه بیر چارا

نه فرقی اوغلان ، قیزین؟
تیکدیم شالوار ، بولوزون

گئیدیردیم باشماقلارین
جوت له دی آیاقلارین !!!

دئدیم : دور آی ناز بالا
مدرسه یه دوش یولا

بیر آددیم دالی گئتدی
گولدو اشاره آئتدی

دیلیم چیخدی یادیندان ؟
چک دیلی ،گوندر اوندان

دیل آغیزدا بال اولار
دیلسیز آدام لال اولار

هم دانیشار هم گولر
آجی،شیرین،تورش بیلر

مدرسه یه گئدنده
درس آلارام هرگونده

آنا دیلیم شیریندی
درین دئسن دریندی

آغزیندا بیر دیل چکدیم
تئلینده بیر گول اکدیم

دیل هامی یا عزیزدی
آنادان قالان ایزدی

دیلیندن اول موغایات
دیللی ، شیریندیر حایات                                                                (یاشام)

ارسال دیدگاه