طالییمدن و اوره ییمدن کئچنلر / پروفسور محرم قاسیملی

پروفسور محرم قاسیملی آشیقلار بیرلیگی نین صدری اولاراق، تامام آشیق ادبیاتی نین هوسکارلارینا تانیش بیر سیمادیر. او بوگونه قدر اونلارجا کتاب یازمیش، اونلارجا آراشدیرمالار آپارمیش و اونلارجا درین و اینجه دویغولو شعر کتابلاری یازیب – یاراتمیشدیر. آنجاق اؤز خاطیره لری و اؤزو دئمیشکت اوره ییندن کئچنلری ده بو کتابا توپلامیش و اوخوجولارینا تقدیم ائتمیشدیر.

عالیم اؤزو بئله یازیر:

اورخان پاشا

“ایللر بویو اوره ییمدن و طالئیمدن کئچنلرین بیر قیسمینی خیردا قیدلر، بعضن ده گونده لیک دوشونجه لر شکلینده یازییا آلمیشام. بورادا حیاتی مشاهیده دن گلن حلقی عمومی لشدیرمه لر، فردی پوئ ه تیک دویغولار، ادبی – ایستئتیک ده یرلندیرمه لر، سطیرآلتی ایهاملار و داها نه لر، نه لر . . . یئر آلیر. آچیغی قلمه آلدیغیم متن لرین ژانر سجییه سینی معین لشدیرمکده، هانسی ژانرین علامت لرینی داشیدیغینی سؤیله مکده چتینلیک چکیرم. دونیا ادبیاتیندا چئشیدلی اؤرنک لری اولا بیله جک بو یازی مانئراسی نین ان چوخ بیندیگیم تقدیماتینی ژول رئنارین مشهور گونده لیگینده گؤرموشم. بو یئرده اونا دا رحمتله آنیرام.

یازیلیشینی داوام ائتدیرمکده اولدوغوم مشاهیده و دوشونجه لریمین بو گونه قدرکی بؤلومونو اوخوجولاریملا بؤلوشمک ایسته دیم. بیلمیرم بیه نه جکسینیزمی؟

محرم قاسیملی آدیندان – اورخان پاشا”

بو کتاب ۱۳۶ صفحه ده علم و تحصیل یایینلاری طرفیندن ۲۰۱۷جی ایلده ۱۰۰۰ نسخه ده یاییلمیشدیر.

ارسال دیدگاه