جیرتدان ناغیلی / تیموری

بيري وار ايدي،بيري يوخدويدو ،بير قاري وار  ایدي. بو قاري نين بير بالاجا  نه وه سي  واردي . نوه  اوْ  قه ده ر  بالاجا ايدي كي  ،اوْنا  جيرت دان  دئييرديلر.

بير گؤن جيرت دان گؤردو كي، قونشو  اوشاقلاري مئشه يه  اوْدونا گئديرلر،گه ليب نه نه سينه دئدي:

–         آي نه نه ، اوشاقلارلا  اوْدونا من ده گئده جه يم.

قار ي اوشاقلاري چاغيريب  هره سينه   بير پارچا  ياغ  ياخماجي وئردي.جيرت داني دا اوْنلارا  تاپيشيردي. يولدا جيرت دان اؤزونو يئره ووروب گئتمه دي،يولداشلاري دئديلر:

–          آي جيرت دان نييه گلميرسن؟

جيرت دان دئدي:

–         نه نه م مني سيزه  تاپيشيريب ،مني دالينيزا  آليب آپارين.

يولداشلاري اونو نووبه ايله دالينا آليب ، مئشه يه  گتيرديلر.

اوشاقلار باشلاديلار اوْدون ييغديلار.سونرا هر كس اؤز اودونونا شال باغلاييب دالينا آلدي.

گؤردولر جيرت دان اوتوروب باخير. اوْنا دئديلر:

–          آي جيرت دان ،سن نييه اوْدونو گؤتورمورسن؟

جيرت دان جاواب وئردي:

–         يورولموشام.نه نه م سيزه ياغ ياخماجاسي وئردي …

يولداشلاري اوْنون سوزونو آغزيندا قويدولار. اولنلاردان بيري جيرت دانا آجيغ لاندي:

–         پيس  اؤيره نرسن. داه

ا سني داليميزا گؤتوره ن  ده ييليك!

جيرت دان علاجسيز قاليب  يولداشلارينين  داليجا  گئتمه يه  باشلادي.اوْنلار بير خيلي گئتديكده ن سونرا آخشام اوْلدو.قارانليق قوْووشدو، يولو آزديلار. مئشه دن چيخاندا گؤردولر كي،بير طرفدن ايشيق گلير،اوْبيري طرفده ايت هورور.بيري دئدي: ايشيق گله ن طرفه گئده ك، اوْ بيري دئدي: ايت هوره ن طرفه. بيلمه ديلر ها طرفه گئتسينلر.آخيردا جيرت داندان سوروشدولار:

–         آي جيرت دان ،ايت هوره ن طرفه گئده ك،يوخسا ايشيق گه لن طرفه؟

جيرت دان جاواب وئردي:

–         ايت  هوره ن  طرفه گئد سه ك، ايت بيزي قاپار ! ايشيق گه لن طرفه گئده ك ،بلكه يولو تاپيب بيلديك!

 اوْشاقلار ايشيق گه لن طرفه گئديب بير ديوين ائوينه چيخديلار.ديو اوْنلاري گؤره نده سئوينيب اؤز-اؤزونه دئدي: ” ياخشي اوْلدو.گئجه اوْنلاري بير-بير  يييه ره م “.

اوْشاقلارا بير آز چؤره ك  يئديرديب ياتيردي. گئجه دن بير آز كئچه ندن سونرا ديو اوشاقلاري يئمه ك ايسته دي.اوْ  قارخيب  و گئتدي كي ديشلريني ايتيتسين . اوْشاقلارين ياتيب-ياتماديغيني بيلمك اوچون دئدي:

–         كيم ياتيب – كيم اوْياق؟

بو سؤزو ائشيدنده،جيرت دان تئز باشيني قالديريب دئدي:

–         هامي ياتيب جيرت دان اوياق.

ديو دئدي:

–          جيرت دان نييه  ياتميرسان؟

جيرت دان دئدي:

–          منيم نه نه م هر گئجه منه قايغاناق بيشيريردي،يئديريب ياتيراردي.

ديو قالخدي،تئز قايغاناق بيشيريب جيرت دانا يئديردي كي،بلكه ياتسين.بير قه ده ر كئچه ندن سونرا ديو يئنه سوروشدو:

–         كيم ياتيب ،كيم اوياق؟

يئنه جيرت دان باشيني قالديريب دئدي:

–         هامي ياتيب ،جيرت دان اوياق.

ديو سوروشدو:

–         جيرت دان ، ايندي نييه ياتميرسان؟

جيرت دان دئدي:

– هر گئجه نه نه م منه چايدان  قَلبيرله  منه سو گه تيردي.

ديو آياغا قالخيب،بير قلبير  گؤتوروب ،چايدان سو  گتيرمه يه   گئتدي.جيرتدان دا تئز يولداشلاريني اولياديب دئدي:

–          بو دئو بيزي يئمه ك ايسته يير.قالخين ،قاچاق.

اوْشاقلار تئز قالخيب چايدان كئچديلر.بو طرفده ن ديو هر نه قدر  قه لبيري سويا ساليب قالديرسا،قلبيرده سو قالمير.آخيردا تنگه گليب قاييتماق ايسته ينده،بيرده  گؤردو  كي ، اوشاقلار چايين اوْطرفينده گئديرلر.ايسته دي سودان كئچيب اوشاقلارين داللارينا دوشسون،آمما كئچه بيلمه دي. آخيردا اوْنلاري سسلدي:

–         آي اوشاقلار ،سودا نه  ته حر كئچدينيز؟

جيرت دان تئز جاواب وئردي:

–         گئت بير دنه  ده ييرمان  داشي تاپ،بوينونا كئچيرت،اوزونو سويا آت ،اوْندا كئچرسن. ديو جيرت دانين سؤزونو ايناندي،گئديب بير ده ييرمان داشي تاپيب بوينونا كئچيرتدي،اؤزونو سويا آتدي،داش اونو سويون آلتينا چه كدي و ديو بوغولوب  اؤلدو.

ارسال دیدگاه