ۀشیق یارمحمد عیسی بیگلو

  آشیق یارمحمد عیسی بیگلو – زنگان ماحالی – قیدار شهریندن اؤلکه میزین قوجامان آشیغی دیر کی ۵۰ ایل سازی الینده تویلار یولا سالمیش، مجلیسلر قورموش، یوزلرجه بی – گلین لرین سعادتی اوچون شنلیک لر قوروب و ائل ایچینده ساز چالیب – اوخویوبدور. اونون سینه سی مینلرجه شعر یوواسی و اونلارجا داستان مسکنی دیر. سازی اله آلاندا سؤزلر سینه سیندن جوشوب دیلینه آخیر و ساز هاوالاریندا آوازا گلیر. بو قوجامان آشیق ایللر بویو ادبیاتیمیزا خدمت ائدیب، آشیقلار بئجردیب، شعرلر قوشوبدور.

یارمحمد عیسی بیگلو ۱۳۲۱جی ایلده خدابنده – قیدار شهرینده آنادان اولدو. اونون اصل ایشی اکینچیلیک اولموش، ایکینجی ایشی ده آشیقلیق­دیر. او باغلیجا کندینده یاشاییر. عیسی بیگلو شوبهه­سیز ان ده­یرلی، سینه­سی سؤزلو و گؤزل ساز چالان بیر آشیق­دیر. او، ۵۰ ایلدن آرتیق­دیر کی قیدارین توی – دویونلرینده اؤز سازی و سؤزو ایله شنلیک یارادیب و ائلیمیزین تویلارینی دولاندیریر. اونون اوستادلاری آشیق فیروز، آشیق صیادالله و آشیق نقدعلی اولموشدور. آشیق یارمحمد ایندی ده یایلاری اکینچیلیک­له چالیشیر و قیشدا آشیقلیق ائدیر و گؤزل سسی ایله برابر ان گؤزل هاوالاری چالمانی باشاریر. دئدیگیمیز کیمی سینه­سی بیر چوخلو داستانلار، شعرلرله دولو اولاراق، اؤزو ده شعر یازیر و یازدیخی شعرلری سازیندا چالیب – اوخویور. مجلیسلرده هامینی اؤزونه حئیران ائدیر.

ارسال دیدگاه