چکمه لی هاوا – اوستاد ارشد نظری نین کتابی یاییلدی

 

   ارشد نظری چاغداش آذربایجان شئعرینده و ادبیاتیندا تانینمیش بیر شخصیت دیر. ارشد بی اونلار ایلدیر کی مییانا شهرینده اونلارجا گنج شاعیرلرین الیندن توتوب، اونلاری قلم صاحیبی ائدیب و بوگون مییانادان گؤرکملی شاعیرلر باش قالدیریب، اینجه دویغولو و درین دوشونجه لی شئعرلر ادبیاتیمیزا تحفه وئریرلر. آنجاق ارشد نظری نین اؤز شئعرلری ده چوخ اولارکن، ایندی ایلک شئعر دفتری ایشیق اوزو گؤرور. ارشد نظری جنابلاری نین شئعر دفتری چکمه لی هاوا عنوانی ایله الده دیر. اؤزو دمیشکن اوچ دفترلیک شئعر یموجوددور آنجاق هله لیکده بیرینجی بؤلومو یاییلمیشدیر و باشقا شئعرلرینی هله اوستو اؤرتولو ساخلاییر.

   چکمه لی هاوا کتابی اوستاد ارشد نظری نین شئعرلری نین بیر بؤلومودور. بو دفترده شاعیرین درین دوشونجه لر و اینجه دویغولارینی شاعیرانه شئعرلر پالتاردا اوخویا بیلیریک. چکمه لی هاوا کتابی ۳۵۶ صحیفه ده زنگاندا نیکان کتاب یاییم ائوی طرفیندن یاییلیب و اوخوجولارینی گؤزل شئعرلر اوخوماسی ایله مست ائدیر. بیز اوستاد نظری جنابلارینا بو کتابین یاییلماسینی تبریک ائدیب و اوخوجولاری بو کتابین اوخوماسینا توصیه ائدیر و امینم کی شئعر ماراقلیلاری بو شئعرلرین اوخوماسیندان لذت آپاریب، آذربایجان چاغداش شئعری نین بیر بوجاغی ایله تانیش اولدوقلاری اوچون راضی قالاجاقلار. بو تئرلیکده بو گؤزل کتابین آراشدیرماسینی تقدیم ائده جه ییک.

چکمه لی هاوا

ارسال دیدگاه