غیرتلی تورک (ستارخان) / اکبر نصیری قیداری

من دِیِیرَم تانیمیانلار سیزه
تورک دیللَّر تانی قارداش بیزه
قدرت جانی اَگَه سالسان دیزه
سیر ائلِییَن زنجانا یا تبریزه
تورک ماحالین اُوندا تانیرسان جانیم
اُوندا بیلَرسن نِیَه قِینیر قانیم
تورکو قِشنگ سن تانیمیرسان داداش
آچ اوخو تاریخی جانیم بیر یاواش
تاریخه تورکلر ویئروب حیثیّتی
تورکون اَزَلدن واری شخصیّتی
تورک شرفیندن دِی گُوروم هاردا وار؟
تورکلره توهین اِلِییَن مال داوار؟
آچ گُوزوی سن تانی بو میلَّتی
چون دِیِیرَم وار بو سوزون عیلَّتی
تورکه حِقارت گُوزونن باخما سن
حورمَتینی ساخلا یئره یاخما سن
تورک تعصّب واری غیرت واری
غیرتینه دونیانین حیرت واری
شیر ژیان تورک اولا سن چاققالان
تورک بازاریندا اَلی بُوش باققالان
تورک یانی هِمّت یانی غیرت کانی
نامیسا خاطیر ویئرر اَلدَن جانی
تورک یانی اوّل بشرِ روزگار
نسلینه دونیا اِلِیری افتخار
دونیانی تورکلر اِلِیبدیر آباد
اُولمَسین آزاد یاشاسین زنده باد
تورکه نِشانه پاپاخو بُورکوموش
گُون پوتونو پَستِکیده کورکوموش
دونیانی سردارلری فتح ائدوب
تاریخه باخسان اولاری مدح ائدوب
بوردا یئر اولماز که سایام آدلارین
چوخ زامان ایستَر اِلِییَم یادلارین
اکثر شاهلار هامیسی تورکوموش
صاحب ایلاتو ، قوشون مو لکو موش
یاد اِلِییِم نئچه نفر شاهلاری
نِفل اِلِییب دوشمنی بد خاهلاری
شاهلار ایچینده بیری شاه اسمایئل
مذهبه ، دینه ، ائورگیندن قایئل
ائشیتمیشن جنگینی چالدیراندا
دوشمنِ ایرانی اُوردا قیراندا
قوی دِیِیم ایندی ائلَدیک یادینی
قویدو اَذاندا علینین (ع) آدینی
شاه عابّاس باشینا یقدی قیزِلباش
قیریب لشکرِ عثمانینی بیر باش
تورک یانی نادر شاه و افشاریلر
احمد و ناصیر شاه و قاجاریلر
تورک یانی ستّار و باقیر ایکّی خان
هر بیریسی لشکرِ دوشمن یئخان
ائل باشیلار ، ائللره باشقا یئلر
ائیل عشایر لر و قاشقا یئلر
تورک یانی شیرازدا اولان حاللی قیز
حافیظی مجنون اِلِییَن خاللی قیز
ویئردی سمر قندو بو خا را نیده
حاضیرِدی بلکه ویئره جانیده
تبریزین حیثیَّتیدی شهر یار
شاعیر شیرین سُخنِ آن دیار
من سایارام تورک ماحالین سن تانی
مملَکَتین گُون باتانین هر یانی
زنجانو ، خالخالو ، خویو ، اردبیل
میلَّتی تورکدو دِدَه جان سَنده بیل
اولکَلَری سایمیاجام هامیسین
نقشَدَه وار هر کس اُوزو تانِسین
مَرزه چه تورکدو گِئدَه سن گون باتان
نئچّه آغاج یول گِئدَه سَن تا چاتان
غربه طَرَف مرزی بوتون ساخلییب
دوشمنه گَلمَک یولونو باغلییب
بیر بیله سوزلَر که دیدیم من سیزه
خالخالا گئتدیم خویا یا تبریزه
سیز تانیاز میلَّتی تورکی بابا
تا دیمِیَز من دیمَدیم سیز صابا

یاشاسین تورک اولکلرینده یاشیانلار
شعئر : اکبر نصیری قیداری (زنجان)
۱۳۹۷/۸/۲۵
سالگرد شهادت ستار خان تسلیت باد

 

ارسال دیدگاه