وطن / حمید احمدزاده

داغ داشلار تماما شهره دؤنسه
چؤل بایر هامیسی بهشته چؤنسه
وطن دن اوز دؤنمز دونیادان دؤنسه
نَدَن سیز نَدَن له سنه باغلیام
سئومرم دونیادا سندن باشقاسین
سیلمز هئچ بیر بیلوو کؤنلومون پاسین
سئومیشم بو یوردون شادلیغین – یاسین
ندن سیز بیر ندن له سنه باغلیام
ضوحاکین قالاسی هشتری میزده
تخت سلیماندیر هپ دیلیمیزده
سنده دیر اردبیل، ماراغا، تبریزیمیز ده
ندن سیز ندن له باغلیام سنه
گوی مسجید دوروبدور هله دوراجاق
ارکین قالاسی دیر قالیب قالاجاق
تیریزدیر آزادلیق آلیب، آلاجاق
ندن سیز ندن له باغلیام سنه
شیخ ممد سئوگیسی هله جاندادیر
شهریار قالدیران دیلک قاندادیر
آزادلیق بایراقی ستارخاندادیر
ندن سیز ندن له باغلیام سنه
من سنی اونوتمام ، اونوتساندا سن
عشقیم اؤلمیه جک اؤلسه ده بدن
ندن سیز عاشیقم من سنه ندن
اورداندیر وطنیم اورک سنده دیر
ح.ا
۱۳۹۷/۸/۱۵

ارسال دیدگاه