قارا سود – الیف شافاک رومانی یاییلدی

رومان (آذربایجان تورکجه‌سینده)
یئنی باشلایانلار اوچون دوغومدان سونراکی دئپرئسسییا

چئویرن: نریمان عبدالرحمانلی
حاضیرلایان: مهدی میمندی
بیچیم: رقعی. ٣٠٢ صفحه. بیرینجی چاپ.
دیر: ٢۵٠٠٠ تومن

ناشر: نباتی نشریاتی. تبریز، امام خیابانی، طالقانی اوچ یولو، اوستاد شهریار پاساژی، آلت قات، ۴۶ نؤمره‌لی توکان.
تلفن: ٠۴١٣۵۵۴٧۵١٠

یئنی نشر اولونموش رومان ایلک گؤردویو وارلیغین آناسی اولدوغونو گمان ائله‌ین اؤردک بالاسینا اوخشاییر. گئدیر، گئدیر، مطلق اونو سئون بیر اوخوجو تاپیر. اونا یاخینلاشیر. آرتیق هر شئی یاخشیدیر. کئفی یئرینده‌دیر. اونو «دوغان» یازیچی‌نی آراییب- آختارماغا احتیاج دویمور. کتابی سئوه- سئوه اوخویان اوخوجو دا اونو آلیب حیاتینا کئچیریر. اصل ادبیات اوخوجوسو سئودییی کتابی قورویوب ساخلاییر. رومان‌لارین آنالاری یازیچی‌لار یوخ، اوخوجولاردیر. الیف شافاکین اؤز یاشامیندان قایغیلانان ایلک اثری اولان «قارا سود» رومانی، آنالیق و یازیچی‌لیق پروْبلئمی‌نین ایچ- بوجاغینی گؤزله‌نیلمز اینجه‌لیک‌لرله آچیر.

بو کتاب اوخونار- اوخونماز اونودولماق اوچون یازیلیب. سویون اوزرینده یازی یازیلان کیمی…
«قارا سود» رومانی قادینلیغین، قادین‌لارین حیاتی‌نین کؤنلوقارا و توتقون، آمّا سون تحلیل‌ده کئچیجی بیر دؤورویله ایلگیلی‌دیر. بورادا آراشدیریلان- غفیلدن گلن، گلدییی کیمی ده سرعت‌له، دالغا- دالغا چکیلیب گئدن احوال روحیّه‌‌دیر. بو وضعیّتی‌یله اَلینیزده توتدوغونوز کتاب همین احوالی- روحیّه‌‌یله بیر نوع تانیشلیقدیر. یاشام حیکایه‌سیدیر.

آنالیق دونیانین اَن یاشانیلاسی، اَن محتشم لطفلریندن بیری‌دیر؛ هم ده نئجه گؤزلدیر. آلدیغی بوتون تعریف‌لره آرتیقلاماسییلا لاییق‌دیر. آنالیق چوخ بنزرسیز، حددن آرتیق قیمتلیدیر… عینی زاماندا قارما- قاریشیق و چوخ آغیردیر.

 

ارسال دیدگاه