یا حسین / نوروز عباسی

 

یار اگر سن اولماسایدین سینه داغلانمازیدی
عشق اوتوندان اوره گوم پروانه تک یانمازیدی

گون کیمین سن چالماسایدین دونیایا ایششیق سالانگ
کربلادان یئتمیش ایککی سرو قوزانمازیدی

عشقینگ اوتو آتماسایدی شعله عاشق جانلارا
او شهیدده جبهه میزده قانا بویانمازیدی

کفرونان ایمان یولو دوشمزده آیری ، دونیادا
عشقمینگ بو قصه سی مینگ ایل اوزانمازیدی

کربلانینگ تورپاقیندا عاشورانینگ اؤز گونو
سن بویوروردونگ ایماندان، کفر اینانمازیدی

عاجز اولمازدی کلامیم وصف حالینگ
ائدمه گه
بو غزلده قافیه، بوردان آرالانمازیدی

لاله تک بیر داغ دوشمزدی بو سینه م اوستونه
اوره گوم ایچینده عشقینگ سازی ساللانمازیدی

بیر گؤی ارچین تک اگر جان عاشق اولمازدی سنه
گئجه_گوندوز او حرم دوروندا توولانمازیدی

وئرمه سه یدینگ سن شفا مجنون اولان عاشق کسه
او ضریحینگده قیچی زنجیره باغلانمازیدی

نعوذبالله یار اگر سن أل وئره یدینگ فتنه یه
گول اوره گونگ سینه سینده، تیغ توولانمازیدی

چیخمه سه یدی قیشینن فایوز جفاسی إئتمه گه
او پیمبر باغینینگ، گوللاری تالانمازیدی

سُفیان اوغلو وئرمه سه یدی عقلینی شیطان لارا
ظولما دؤنمزدی، جفا إئتمزدی، آللانمازیدی

شور، شرشر  توکمه سه یدینگ شیدا شاعر جانونا
قوشماسی، گؤر گوینو داغیندان هوالانمازیدی.

نوروز عباسی یادکوری

 

ارسال دیدگاه