شهریارین شاگیردی، «اصغر فردی» دونیاسینی ده‌ییشدی

اصغر فردی تبریزده تورپاغا وئریله‌جکاصغر فردی، تبریزلی شاعیر، ادبیاتچی و آراشدیرماجی، ۵۵ یاشیندا، قلبی‌نین دایانماسی سببی ایله دونیاسینی ده‌ییشدی.
وئریلن راپورلارا گؤره، اصغر فردی، بهجت تبریزی‌نین شاگیردلریندن و تبریزین تانینمیش شعر و ادبیات سئورلریندن ایدی. اونون قلمی ایله نئچه اثر ایندیه کیمی یاییملانیب، او جمله‌دن؛ «دیوان صافی تبریزی»نین اصلاح و یاییملانماسی، «شهریار و انقلاب»و «تبریزیات».
سون ایل‌لرده او، شهریار بیلیمی حوزه‌سینده و بو شاعیرین داها آرتیق تانیدیلماسیندا چالیشمالارینی آرتیرمیشدی.
مرحوم فردی‌نین حیات یولداشی، نیر کمالی بیلدیردی: او دونن گئجه ساعات ۱۲-ده قلبی دایاندی و فانی دونیانی ترک ائله‌دی.
نیر کمالی تشییع و تورپاغا تاپشیرما مراسیمینه گؤره دئدی: بیز حال حاضیردا تبریزده‌ییک، اوشاقلاریمیز تهراندادیرلار. دؤزوروک اونلار تبریزه گلسینلر، تشییع جنازه توتاق. احتمالی وار صاباح، یا اگر لازم اولان هماهنگلیق اولماسا، بیریگون جنازه‌نی تورپاغا وئرک.
او دئدی بلکه فردی‌نین جنازه‌سی تبریزین مقبره‌الشعراسیندا قویولانا.
بو ایتیگی، اصغر فردی‌نین محترم عایله‌سی و ادبیات دونیامیزا تسلیت دئییب، باشیز ساغولسون دئییریک.

ارسال دیدگاه