عاشيق اصلان ين حيات و ياراديجيليغي / عليرضا ذيحق

موعاصير ساز شاعيرلريميزدن ” عاشيق اصلان “۱۲۸۷ گونش ايلينده ” خوي ” شهري نين ” حمزيان ” كندينده آنادان اولوبدور. آتاسي ” نجف كيشي ” و فاميلي “طالبي” دير. عاشيق اصلانين اوستادي رحمتلي”عاشيق اسد” ايدي. او، اوره گي وطن عشقيله چيرپينان احساسلي شاعير لريميزدن دير. عاشيق اصلان خلق شعري نين موختَليف نوع لرينده طبعيني سيناميش و شعرلر يازميشدير. اونون ياراديجيليغيندا، آنا يوردا سونسوز محبت و آنا ديلينه حؤرمت و باغلي ليق آيدين شكيلده گؤرونمكده دير. نئچه ايل بوندان قاباق “لندن” فاكولته لري دعوتليسي اولاراق ” لندن “ه گئتميش و اورادا آذربايجان خلق ادبياتي نين نمونه لريني او جومله دن “شاه اسماعيل” حاققيندا بيلديقي داستانلاري ساز و سؤزله بيرليك ده تقديم ائتميش دير بورادا عاشيق اصلانين ياراديجيليغيندان بيري جيدّي و ديگري طنز ايكي نمونه نقل ائديلميش دير:

 

 

 

گول تبريزيم

آذر ائلي جوشار داشار                دونيا واركن آزاد ياشار

قارتال كيمي داغلار آشار            ائل تبريزيم گول تبريزيم

گل درديمي بول تبريزيم

گؤزه ل اولار يايين قيشين            صفاليدير داغين داشين

دوشمان اَتين ديده رديشين         ائل تبريزيم گولتبريزيم

گل درديمي بول تبريزيم

آذربايجان بير واخت اولار         ائل دريا تك جوشوب دولار

ياغي لرين رنگي سولار              ائل تبريزيم گول تبريزيم

گل درديمي بول تبريزيم

ياد جانينا اود سالارسان        دوشمان لاردان باج آلار سا ن

آزاد اولوب شن قالارسان           ائل تبريزيم گول تبريزيم

گل درديمي بول تبريزيم

” عاشيق اصلان ” گل ايمانا     صيدقي باغلا او سوبحا نا

ائل يولوندا اؤل مردانا             ائل تبريزيم گول تبريزيم

گل درديمي بول تبريزيم

بوغاز دردي

بوغاز سني خار اولاسان     بوي آتماميش تئز سولاسا ن

گؤرمه ديم بيرجه دوياسان   اوخشايير سان ماره بوغا ز

چيخسين سنه يا ره بوغاز

يولوم دوشه ركن بازاره     ساليرسان مني آزاره

نفسيم دوشورآلما ناره        گتدين مني جانه بوغاز

چيخسين سنه يا ره بوغا ز

ائده نده ميوه لر نازي       يييه نده وارلي لار غازي

سيزلايير ” اصلان ” سازي       قارقيش دئيير ناره بوغا ز

چيخسين سنه يا ره بوغا ز

باش اَي مَزديم نامرد يادا          گووه نر ديم ياخشي آدا

آدسانيمي وئردين بادا              سن سن اوزو قاره بوغاز

چيخسين سنه يا ره بوغا ز

بوغاز سني دويورماغا        كول با شيوا سُووورماغا

سولا ساغا قاچديم قاغا*        منت چكديم ياده بوغاز

چيخسين سنه يا ره بوغا ز

 اسلان

——————————————————

  • قاغا = داداش
  • بو يازي عاشيق اصلا ن (۱۲۸۷- ۱۳۷۸ ) دونياسيني دَييشمه دن يازيلميشد ير.

ارسال دیدگاه