ایکی شئعر / زهرا رضائی

حیات ایلگی لریمی قیریب.
آز گتیردیگیم یئرلرده،
شیریخ شیریخ پارچالاری
ناخیش ناخیش
یاماقلادیم.
گاهدان دیرناق لاریما ایلیشه ن ناخیش لار،
گاهدان ساپی چئکیله ن.
گاهدان سا،
آرزیلاریمی تیکیرم ناخیشلارا
حیات قیران ایلگی لریمی
پارچا پارچا یاماقلایام.

۹۶/۷/۱۸
زهرا رضایی

بیر سس وار
های سیز، حزین
بیچیلمیش بوغازدان سوزولور دئمه،
لال دیل دن،
یورغون دوداق لاردان،
دیشلنه -دیشلنه بیر سس گلیر،
قیریق قیریق..
بؤلوم بؤلوم..
پارا پارا..

هیسسسسسس
سینمده زوققوللویان درد لر
اؤلوم یاتاغینا آپاریر
و اوستومه بیر اووج توپراق
تاق..
تاق..
کیمدی اؤلوم داشیما داش چالیر?!
چئکیر سکوت صحیفه سینه های هارای داغی
داریخدیریر بو داریسقال یووام دئمه
آپار آپار منی زرین ورق لره
بیر شاعیرم کی وطن سیز وطنلی یم
بیر سس..
حزین،
بوغاز،
لال،
دوداق،
دیسکیندیریر منی اؤز آنلامیم و سن..
یات یات منیم یئریمده باخ منه،باخ شاعیره..
دئنه ن:
بوردا وطن سئون
وطنین حسرتین چئکه ن
شاعیر قالارغی دیر
دئنه: شاعیر اؤلر مگه?!….

ارسال دیدگاه