شأنلى شه هر / اومود زنگانلی

 

بیر شه هر دولغون اوره ک
بیر شه هر باغلی آغیز
بیر شه هر حئیرتلی باخیش
بیر شه هر حسرت یاشاییر
يالان اولور تام آرزیلار
ناكام اؤلور تامارزيلار.
بیر شه هر دردله دولو
درمانا باغلیدیر یولو
اوجا داغ ساغلا سولو
گون چیخاندان گون باتانا
تکجه وار بیرجه یولو
گئجه گوندوزلری
تیکراردی بوتون
داریخیر هامی بوتون
تنگ اولوب نفسلری
داها یاتمیر سینه یه
یول وئرمیر توتغون هاوا
آجی اؤد توستو توتون.
بير شه هر، غملی شه هر
قلبی قان قوصصلیدیر
دیندیرسن آغلایاجاق
چوخداندیر گولمور اوزو
هی باخیر گلیب گئدن
سورمور هئچ کیمسه حالین
بير شه هر غریب شه هر
شهری چولغاییب قه هر
نئجه گولسون نه ته هر
سؤزو وار دانيشماغا
ديلى يوخ سؤز آچماغا
کسیلیب آغزیندا دیلی
بورا دیلسیزلر ائلی.
قوجامان ياشلى شه هر
باش بيلير باشلى شه هر
داغلارى داشلى شه هر
گؤزلرى ياشلى شه هر
هر گون اینتیظار چکیر
گله بیر آیدین سه حر
هله ده وار (اومود)و
یاشاییر شأنلى شه هر
باشی توفانلی شه هر.

اومود زنگانلی

ارسال دیدگاه