شئعر / علی عطائی (یاشار)

 

سوز وئرمیشدی بو یاز گله
یازدا گلدی . سوز گلمدی
یای اوتوشدو خزان اولدو
قیش . یای اولدو یاز گلمدی

خاطیره می اونا خاطیر
واراق لادیم سطیر سطیر
گوتور قلم . وارق گتیر
بو مکتوبو . یاز گلمدی

بیر چلیک وئر بیله گیمه
باخ آرزوما دیله گیمه
تسللی وئر اوره گیمه
عاشیق . غمه دوز گلمدی

غم کروانی گلیب گئدر
عاشیق ایچین اولماز سحر
قیریب دوزدوم صوبحه قدر
سایقیلاریم دوز گلمدی

هره بیرسوز دئدی منه
کول سوورما بوش خرمنه
اوندان سئوگی چیخماز سنه
داها الین اوز گلمدی

سنه وورغون نه چوخ بولدو
هرکیم گئتدی یئری دولدو
قیس کیمینلر. مجنون اولدو
هئچ عاشیقین آز گلمدی

نی ناله سی چیخدی گویه
غم سینه می دویه دویه
“یاشار” دردین کیمه دییه
تاریم گئتدی . ساز گلمدی

“یاشار”علی عطایی

 

ارسال دیدگاه