تورشامیشام / دکتر جوادی زیوه

قارابختیم
دمیر تک آینامی تاپدادی
دیلمی کسدی تندیره ساللادی
هی مله دیم
هی مله دیم
مله دیم

دیلیمی آنلامادیلا
سوزومی ائشیدمدیله، قانمادیلا

گؤزون چیخسین ائلچی
بیزیم قاپیادا بیر باخ
آخی من تورشامیشام!

گئجه دوتوب گؤزلریمی
نه اولدوز
نه آی
بو درین گئجه ده
گونه اومودوم یوخدو

هی!
خیالیم بویلانیر
باجادان
آلیشقادان
دامدان
دوواردان
نه هنورتی وار
نه نئریلتی

گؤز گوروشمیر
دوداق گولوشمیر

ساغیم دا آتا
سولومدا آنا
دالیمدا قارداش
گئنه ده کسیک خوروز کیمین
اؤره ییم پیتیریر

قانلی قانلی
شیطان توریا
اوخویورام:

دردیمی ائشمه
حزین اوخشاما
مرثیه قوشما

بخته ورین گؤزلری قارا
قارا بخت لرین گون لری قارا
کیم گلیب منیم دردیمی آلا
اوره گی منیم حالیما یانا

گؤزون چیخسین قارا ائلچی
بیزیم قاپیادا بیر باخ
آخی من تورشامیشام!

دکتر جوادی زیوه

ارسال دیدگاه