” آتا ” / کرمعلی زنگانلی

قلبینه قووتدی دالینا دایاق
اوغولا یخیلماز داغ اولار ده ده
اته گینده چیچک چینینده قاری
قیزینا میوه لی باغ اولار ده ده

ساقالی آقاریب لاپ قوجالسادا
گزمه یه عصادان کمک آلسادا
خسته لنیب آه سیزیئرده قالسادا
بیر ائلین باشیندا تاق اولار ده ده

اوولادا قووتدی آتانین سسی
ائولره نور ساچار عشقی هوسی
آللاه عطری وئرر هر دم نفسی
حاق یانیندا اوزو آغ اولار ده ده

” کرم ” دییر غم سینه می دئشنده
هیجران اوخو اورگیمی ائشنده
هردن بئله سن یادیما دوشنده
ارییر اورگیم یاغ اولار ده ده

” کرمعلی زنگانلی ” ۱۳۹۶/۱۱/۱۸

ارسال دیدگاه