نئجه اولار / احمدصادقی (نافذ)

بیله بیر شعر دورام یاره یازام
گور نئجولار؟
هر جهتدن اونو پتیاره یازام
گور نئجولار؟

دوداقین وردنه قدین گوده
رنگین قاراجا
آغزینی بیر یئکه مغاره یازام
گور نئجولار ؟

چنه سین ایری
گوزون چپ
ممه سین دای دیمیرم
هیکلین بی قدو قواره یازام
گور نئجو لار

بیر عومور بیلمه میشم
کیپریگینه اوخ دئمیشم
ایندی بیر ترکش خمپاره
یازام گور نئجولار

ایله ظالم دی کی
اسرائیله بنزتمه لئیم
اورگی داشدی،
دمیر پاره یازام گور نئجولار

روزگاریم گوروسن
باغلی تئلیندن قارادایر
قاشلارین داندا
بیر آز قاره یازام گورنئجو لار؟

گونده مین یول
دیریلیک آرزیلیان یئرده بشر
مرگ بر هئی درو دیواره یازام گورنئجولار؟

مرهم ایستیر
بیری پیس حال دا دوشوبدور
یارالی
یارا اوستن گنه ده یاره
یازام گور نئجولار؟

بوشلویام مستی خیاباندا گیده
اوز باشینا
هئی آغیر کیفری هشیاره یازام
گور نئجولار؟

نیچه ایل حبس ویرم یا که
سالام حصره بیرین
یا وطن دن بیرین آواره یازام
گور نئجولار؟

دادمئیا بیرنفر عومرونده
دوغوردان آبجو
اونو پرونده ده
میخواره یازام گور نئجولار ؟

فکر ایدین آزجا قویام
واعظیلن باش باشا من
مسجدین دورینه کاباره یازام
گور نئجولار؟

ایش دی بیردن
یئدی بیر هفته مسلمان اوروجون
یئددی برده اونا کفاره یازام
گور نئجولار؟

بیر زامان لال دی هامی
کارکورون عرضین اوخومور
لال لارین موشکولونو کاره یازام
گور نئجولار؟

یاخشی بیر فیلم چئکه
اصغر فرهادی گنه
اونو تقدیراوچون اسکاره یازام
گور نئجولار؟

غرب تحریم ایلئیه
ویرمییه طیاره بیزه
موشکین اوستونه طیاره یازام
گور نئجولار؟

گون به گون افت ایلییر
ارزشی ایران پولو نون
تومنین صفرینی دیناره یازام
گورنئجولار

اوجنایت کی الان
داعش ایدیر منطقه ده
عربین نسلینی زن باره
یازام گورنئجولار ؟

گناهین اولمویاهیچ
یاخشیدا دیندار اولاسان
اشتباها سنی من داره یازام
گور نئجولار؟

اوزومه فامیلیمه آی باشی
یوز میلیون حقوق
سنی آج، مفلس و بیچاره یازام
گور نئجولار؟

یازدیقیم سوزلرین
اقرارایدیسن هامیسی دوز
دوزسوزو کوچه و بازاره یازام
گور نئجه اولار ؟

کیمدی دنیا ایشینه
صادقی دن واقف اولا
اونو بو شهریده هیچ کاره یازام
گور نئجولار؟

ارسال دیدگاه