يول قرار وئرسين / سلمان داغلی

 

 

بير شوم سحر چاغي دان جيزيلداركن
آپارديلار سني بوردان
قوپارديلار سني مندن
بير آغاجي اؤز كؤكوندن قوپاران كيمي
من سه دونوب قالديم باخار كورا تاي
الي قولو باغلي
جانسيز بير هئيكل
سسيمي ده اوتدوم نفسيم كيمي
قاراباخت قارانليق چؤكدو باشيما
سن دئمه بو سحر گئرچك دئييلميش
داها چوخ وار سحره سنه لر قدر
سوررسه يئتيشمم سنه نه قدر
گؤزلريم تيكيلميش يولونا آرتيق
گونشه مرحبا اوگون دئمه لي
هله ده هله ده هله ده هله
اينله يير بير آجي سيزي قلبيمده
ياشايير زوغونون ايزي قلبيمده
بيترمي بو يارا؟
ايترمي بو ايتگي؟
يئترمي بو حسرت؟
بيله بيلميرم
گؤزلمك له اولمور گركدير بونا
بيز يولا قويولاق يول قرار وئرسين

 

Yol qarar versin

 

 Bir şum səhər çağı dan cızıldarkən

Apardılar səni burdan

Qopardılar səni məndən

Bir ağacı öz kökündən qoparan kimi

Mənsə donub qaldım baxar kora tay

Əli-qolu bağlı

Cansız bir heykəl

Səsimi də utdum nəfəsim kimi

Qarabaxt qaranlıq çökdü başıma

Sən demə bu səhər gerçək deyilmiş

Daha çox var səhərə sənələr qədər

Sürərsə yetişməm sənə nə qədər

Gözlərim tikilmiş yoluna artıq

Günəşə mərhəba ogün deməli

Hələ də hələ də hələ də hələ

İnləyir bir aci sızı qəlbimdə

Yaşayır zoğunun izi qəlbimda

Bitər mi bu yara?

İtər mi bu itgi?

Yetər mi bu həsrət?

Bilə bilmirəm

Gözləməklə olmur gərəkdir buna

Biz yola qoyulaq

Yol qarar versin

 

ارسال دیدگاه