شبان و آفریننده / رحیم بقال اصغری

رحیم بقال اصغری بوگون آذربایجان کاریکاتور اینجه صنتی نین گؤرکملی صنتکاری دیر. او ایللر بویو بو ساحه ده چالیشیب و شاه اثرلر یاراداراق چوخلو عنوانلار و اؤدوللره لایق گؤرونموشدور. آنجاق بوندان علاوه یازماقدا و آنادیلیمیزین گلیشمه سی اوغروندا دا چالیشیر. اونون ایتی ذهنی و آخیجی دیلی وار و دوشونجه عرصه لرینی گزیب دولانیر و آخیجی قلمی ایله گؤزل دوشونجه لرینی کاغاذ اوسته گتیریر. شبان و آفریننده اثری اونون ایکی دیللی – فارسیجا و تورکجه اثری دیر کی بیر بالاجا کتاب شکیلینده نشر اولموشدور. او، مولوی نین معروف بیر داستانینا اشاره ائدیر:

دید موسی یک شبانی را براه

کو همی گفت ای گزیننده اله

تو کجایی تا شوم من چاکرت

چارقت دوزم، کنم شانه سرت. . .

او، بو داستانی بهانه ائده رک، تانری حقینده بیلگین لرین باخیشلارینا و گؤروشلرینه اشاره ائدیر و اونلارین آرخاسیندا یازارین اؤز دونیا گؤروشو ده بللی اولور. بقال اصغری تورکجه – فارسجا یازدیغی بو کتاب، دیلیمیزین گلیشمه سینده ائتکی سیز اولاماز و آرزو ائدیریم بو محتشم صنتکاریمیزین قلمی بودان داها ایتی، کسرلی و بارلی اولسون. بو اثر بیرینجی جیلد اولموش و بهار درخت نشریاتی طرفیندن یاییلمیشدیر.

شبان و آفریننده

ارسال دیدگاه