اوشاق ادبیاتی – گرگرلی آرازدان نشر اولموش

تاسوفله اوشاق ادبیاتی بوگون آذربایجاندا اونودولموش بیر موضوع اولموشدور. بو ساحه ده هم کتاب و یازی آزدیر و هم اونون اوزمانلاری. دیلیمیز گونو گوندن اوشاقلاریمیزا چتینله شیر. چونکی شعریمیز و ادبیاتینمیز، حتا دیلیمیز گلیشیر و عصریمیزلا آددیملاشیر، بیر حالداکی اوشاقلاریمیزین الینده بیر کتاب یوخدور. بؤیودوکدن سونرادیر کی کتاب اله آلیرلار. بو ساجه ده دوشونن یازارلاریمیز و شاعیرلریمیزین سایی داها آزدیر. آنجاق محمدعلی برزگر – “گرگرلی آراز” تخلوصو ایله بو دردی دویوب و اونا گؤره قلمینی اوشاق ادبیاتیندا دولاندیریر. بوگونه قدر نئچه – نئچه کتابلار یازمیشدیر. او جمله دن الیمیزده اولان اوشاق ادبیاتی عنوانلی بیر کتابدیر. بو کتابدا بیر سیرا آتالار سؤزو اوزه رینده یازیلان شعرلری اوخویوروق. بونلارین هامیسیندا شاعیرین درین دوشونجه سینی گؤروروک. اما بیر بؤیوک آخساقلیق گؤرونور و بو آخساقلیق دا بلکه ده شاعیردن یوخ، منجه ناشردن گؤرمک اولار. بیزیم یازی قایدالاریمیز وار؛ گؤزل و علمی سؤزلوک لریمیز وار. تاسوفله بو اثری تئدیت ائده ن دوستوموز بو مساله یه دقت بویورمامیش و تکجه اؤز بیلدیگینی قلمه آلمیشدیر و بونا گؤره ده چوخلو یانلیشلارا یول وئرمیشدیر.

بو کتاب ۱۵۰ صفحه ده بندر انزلی دن بحبودی نشری طرفیندن حاضیرلانمیش و بخشایش نشری طرفیندن یاییملانمیشدیر.

گرگرلی آراز اوچون اوشاقلارا اولدوغو عشقه گؤره تشکورلریمیزی بیلدیریریک و باشاریلار آرزیلاییریق.

اوشاق ادبیاتی

ارسال دیدگاه