اوشاقلارین دوستلوغو

عائیله م له بیرلیکده کیسلووودسکایا)روسیه ده بیر شهردی) گئتمیشدیم.یئرلی آداملارین دئییلدیگی قایدادا ائو توتموشدوم. عایله) دیکاریوم)هامیلیقجا) عوضولری، نوه لریم له بیرلیکده ۷ نفر اولدوغونا گؤره ساناتورییادا و یا استراحت ائوینده ائو توتماق منیم اوچون چتینلیک تؤره دیردی. آخی من پروفسور ایدیم… بو ائوده قالدیغیمیزین بیرینجی گونو ایدی.بیزیم اوچون ایکی اوتاق آییلمیشدی. ییر- ییغیش ائتدیک، قایدایا دوشدوک. نوه م سامیرله یاخینلیغا گئدیب بیر آز کالباسا، بیر آز کسمیک)شور(و چؤرک آلدیق. قاییداندا گؤردوک کی، بیزیم اولدوغوموز حَیَطده بیر نئچه اوشاق

اویناشیر. سامیر دئدی: بابا اولارمی بیر نئچه دقیقه لییه اونلارلا اویناییم؟ – چؤرگینی یئه، چایینی ایچ، سونرا نه ائدیرسن ائت.   سامیر باباسینین ایکی قیلچاسینی قوجاقلادی و ایصرارلا دئدی:

بابا، خواهیش ائدیرم، نه اولار، ایجازه وئر گئدیم.  – یاخشی اوینا، آما تئز گل. –

سامیر تانیمادیغی تای توشلارینین یانینا گئتدی و – سوروشدو:

اولارمی من ده سیزینله اویناییم.-

اولار دئیه اوشاقلار بیر آغیزدان دیللندیلر .

سامیر روسجا یاخشی بیلیردی. اوشاق باغچاسینجا روس بؤلمهسینه گئتمیشدی. ایندی ایسه اوچونجو صنیفده روسجا اوخویوردو. بیردن یانغیلی اوشاق سسی حَیَطی بورودو. بیر اوشاق اوینایان زامان باشیندان زده آلمیش، بورنو قانامیشدی و اؤزوندن گئتمیشدی. سامیر تلم تلهسیک ییخیلان اوشاغا -طرف قاچدی و اونون باشینی دیزلری اوسته قویدو.

قیشقیردی:

بابا، بابا تئز گل، گؤر نه اولوب، بیر – استکان سو دا گتیر.

بابا گلدی، اوشاغین قانامیش آلنینی، بورنونو سیلدی، نه مومکونسه اونو ائتدی. آما، اوشاق هله اؤزونه گلمه میشدی. دوداقلاری سیریگیردی. آغلاماقدان دوداقلاری شیشمیشدی. سامیر اونو اوووندورور، ساچلارینی سیغاللاییردی. آما هله اوشاغین بدنین تیترمهسی کسمهمیشدی. بیردن بیره اوشاق لاپ حالسیزلاشدی. اوشاق بیر یازیق گؤرکم آلمیشدی. او، اللرینی سامیره طرف اوزادیب سامیره سیغیندی، سانکی سامیردن ایمداد ایستییردی.باشینی آشاغی دیکیب هؤنکور هؤنکور آغلاییردی. اوشاق آتا آنانین – – بیر اؤولادی، قیزی ایدی. آتا آناسی حَیَطده قویوب – کیسلووودسکا بازارینا گئتمیشدیلر. اونلار دا تزه لیکجه بو حَیَطده ائو توتموشدولار.  حَیَط بؤیوک ایدی. بورادا بیر نئچه عایله کیرایه چی کیمی قالیردیلار.

بیر نئچه مودتدن سونرا اوشاغین آتا آناسی گلدی.-

اوشاغی بئله گؤرنده هیجاندیلار، دهشته گلدیلر، میسکین بیر وضعیت آلدیلار. اوشاغین باشی هله سامیرین قیلچالاری آراسیندا ایدی. اوشاغین آناسی قیزینی قوجاغینا آلدی، آغلایا آغلایا آلنیندان اؤپدو – و سامیره اؤز تشککورونو بیلدیردی و ائرمنیجه

دئدی: آخی، سنه دئدیم کی، بو گون هئچ یانا گئتمه یک، – اورگیمه نسه دانمیشدی.

سامیرین باباسی بیر آز ائرمنیجه بیلیردی. یقینلیک ائتدی کی، بو ائرمنیدی، هاردانسا گلیب، یا ایرواندان، یا دا موسکوادان. او قارابوغدایی، ضیالی صیفت بیر آدام ایدی. دوروشوندن یاخشی آدام تاثیری باغیشلاییردی. لاکین او،هله سامیر گیلین کیملیگینی بیلمیردی. سونرادان سونرایا باکیدان گلدیگینی، آذربایجانلی اولدوغومو بیلدی.

او بیری اوشاقلار ایسه اؤز ایشلرینده ایدیلر، اویونو داوام ائتدیریردیلر، هله بیر قهقهه چکیب گولوردولر. بیردن بیرگوجلو یاغیش یاغدی آتا –  آنا اوشاغی هره – سی بیر طرفدن گؤتوروب ائوه آپاردی و آناسی پیچیلتی ایله دئدی:

بلکه بونو آذربایجانلی اوشاق اؤزو ائدیبدیر.-

اوشاغین آتاسی: دئمک چتیندیر، ایمکان وئر بیر آز فکرلشیم.

اری درین فیکره دالدی، هاچاندان هاچانا دیللندی: ان یاخشیسی اودور کی، قیزیمیزین اؤزوندن سوروشاق:

سوسانلا جان او تورک بالاسی سنه نه ائلهدی، – دوزونو دئه، گیزلتمه.

اوشاق فکرلشمه دن، ترددود ائتمهدن دئدی: ساغ اولسون،دئدیگین تورک بالاسی چوخ  کؤمکلیک ائله دی، او اولماسایدی… دئیه قیز کؤورلدی.

ار آروادا، آرواد اره باخدی، تعجوبله سینخرون)همزمان( حالدا آستادان دئدیلر:

نه عجب اونلاردان.

توران قاریشدی. سحر آچیلدی.  اوشاقلار یئنیدن اؤز اویونلارینا باشلادیلار. آما تکجه سوساننا اورادا یوخ ایدی. سامیر سانکی چوخدان تانییرمیش کیمی گؤزو اونو آختاریردی. بیر آزدان سوساننا دا گلدی. آما اوینامادی. هله اویناماق حالی یوخ ایدی. دوننکی آغری هله جانیندان چیخمامیشدی. بو بالاجا ائرمنی قیزی ساچلارینی اللرینه آلیب اویناییردی.  قیزین مهریبان صیفتی وار ایدی. هؤرویونه ایپک پارچادان لئنت باغلامیشدی. قیز بیر آز آناسینا، بیر آز دا آتاسینا اوخشاییردی.

سامیرین ننهسی نرگیز ایله باباسی گون اورتا یئمگینه حاضیرلیق گؤروردولر. بونو چوخ هوسله، سئوینجله ائدیردیلر. ننه سی بیردن باباسینی مطبخه چاغیردی، جیدی گؤرکم آلدی و دئدی: یاخشی قورتاردیق. اللها شوکور قیز اؤزونه گلدی، – هر شئی یاخشی بیتدی. قورخوردوم کی، بئینینه قان سیزار.

آی آرواد، من ده سنین کیمی سئویندیم. آنجاق ائله سئویندیم کی، ائله بیل ائرمنی قیزی سنین دوغماندیر.

اینسان اینساندیر، کؤرپه دیر. بیر ده بیرینی – بیلیرسن، او بیرینی یوخ. پروفسور اولماغینان دئییل کی،پولیسه گئدیب شیکایت ائدردیلر کی، بونو فیلانکسلر، تورکلر ائدیبلر. گل ثوبوت ائله. دئیردیلر نئجه اولدو کی، بو حادیثه ائله آذربایجانلیلار گلن گونو باش وئردی؟

آرواد: دوغروسو بو هئچ آغلاما گلمیردی. البته گلمز. هئچ عاغلینا گلردی کی، آغدامین  ۹۹ فایزی داغیلیب یئرله یکسان اولاجاق، شوشایا، کلبجر، لاچینا گئده بیلمه یه چکسن!

سامیر سوناننایا یاناشاندا اونون بیر ائرمنی قیزی اولدوغونو دا بیلمیردی. بیر اونو بیلیردی کی، او، اینساندیر، عذاب چکیر، قیشقیریر. سامیر قلبی نازیک، اووشاق ایدی. همیشه اینسانی جیزگی فیلملره باخماغی خوشلاییر. فیلملرده تانکلار، راکئتلر گورولتو سسلری ائشیدنده دیکسینیردی، سانکی دونیایا اومودسوزلوک حیصه لری ایله باخیردی. اوشاقلارین، سیخینتیلارینا دؤزه بیلمیردی. فوضولینین آلیخانلی کندینده کؤرپه زهرا حاقیندا ائشیدنده کؤورلمیش، چوخ مأیوس اولموشدو.

ایشیقلی سحر قارانلیق گئجه دن سونرا آچیلیر. آما قارانلیغین زهمی اولسا دا، اونون دا بیر گؤزللیگی وار. لاکین ان اؤنملی گؤزللیک یاخشیلیقدیر. اصیل اینسان یاخشیلیقدان، مرحمتدن ذؤوق آلیر. ان گؤزللیک ائله یاخشیلیغین اؤزودور. هر هانسی بیر واهیمه لی منظره نین شاهیدی اولاندا گرک دئمیه باشقاسینین،­» بونون منه دخلی یوخدو­«­، سن باشقا بیر میلتین فاجیعه سینه بیگانه اولان، اونا فاجیعه یارادان هر بیر اینسان، میلت خوشبخت اولا بیلمز. خوشبخت اینسان و میلت دؤوستلوقدان ضرر چکمز. سوساننا آرتیق اؤزونه گلمیشدی. حَیَطه چیخدی، تر گول، چیچکلری سئیر ائتدی، سونرا اوشاقلارین اویونونا قاریشدی. ایندی اونون قانلی صیفتیندن، شیشمیش دوداقلاریندان اثر علامت قالمامیشدی. دوداقلاری دا اؤزو کیمی فوسونکار گؤرسه نیردی. آنجاق هارداسا بدنینده بیر ازینیکلیک، ضعیفلیک حیس ائدیردی. سامیر یانیندا اونا یئروئردی. او، شاهمات اویونوندا سوساننایا دستک اولوردو، اوشاقلار ایسه بونا گؤره اونا اؤز اعتیراضینی بیلدیریردی، بعضاً ده جیغاللیق ائدیردیلر، عمللی باشلی دالاشیردیلار. ائوین صاحیبهسی آننا پئتروونانین نوه سی حیرصلندی و سؤیه سؤیه اویونو ترک ائتدی. بونو – ائشیدن آننا پئتروونا دوداغینین آلتیندا میزیلدادی: بونا بیر باخ، اورادا دالاشیرلار، بیر بیرینی – « اؤلدورورلر، آما منیم حَیَطیمده بیر بیرینه قهمر – دئدیکده قاراباغی­» اوردا « آننا پئتروونا­ » چیخیرلار نظرده توتوردو. آما اونودوردو کی، داوا دالاشا – هاوادارلیق ائدن ائله اونون بعضی وطنداشلاریدی.

» ها ها «­سامیر سوساننایا دستک وئرنده، اونلار دئییب گولوشنده، ظارافاتلاشاندا آننا پئتروونا سانکی اونلارا قیسقانیردی. اوشاقلارسا اؤز ایشلرینده ایدیلر. اونلار اللهین مقدس آداملاردی. نیین نئجه اولدوغونو و نئجه اولاجاغینی بیلمیرلر. هله کی، یالان و اویدورمالاردان بیر سؤزله سیاستدن اوزاقدیرلار. تکی اوزاق اولسونلار. موردار سیاست آداملارا بدبختلیک گتیریر. سامیرین باباسی بو حیس لرله، بو باخیشلارلا پنجره قاباغیندا دایانیم اوشاقلارین اویونونون ایزله ییردی. آرابیر سطیر سطیر شعر ده  یازیردی، باخ بو شعری:

ایستمیرم تانکلارین، سسی

دؤیوشلرین توفانی.

بوروسون دونیانین هر یانی.

اوشاقلار آچاندا پارلاق گؤزونو

گؤرمه سین قارا بولودلار

آلیب گؤی اوزونو.

گؤرسونلر، یئر د، گؤی ده

تر تمیزدی.

آخی پلانئتیمیز)یئر کوره سی(

اؤز وطنیمیزدی.

اینسانلار اولمامالیدیر

تکجه گوجلو بیلکلی.

هم ده اولمالیدیر

صاف، مقدس دیلکلی.

اگر میلتلرده اولسا عقیده،

بیر بیرینه اعتیبار.

یاخشی اینسان، ملت

اولماغا نه وار!

سامیرین باباسی شعری بیتیریب حَیَطه دوشدو. سوساننانین آتا آناسی یئنه بازاراگئدیردیلر، آما  سوسانناسیز.

بس سوساننا، اونو اؤزونوزله آپارمیرسینیز؟ دئیه – – سامیرین باباسی توفیق تعجوبله سوروشدو. باباسی توفیق بئله حساب ائدیردی کی، او واختکی حادیثه دن سونرا قیزلارینی حَیَطده تک قویمایاجاقلار. سوساننانین آتاسی گولومسیهرک دئدی:

پروفسور سیز کی، بورداسینیز.

آخشامچاغی سامیره و سوساننانین عایله سی حَیَطده کیچیک بیر شنلیک مجلیسی قوردولار. اونلار اؤز صؤحبتلرینی، دوشونجهلرینی آنجاق پوزیتیو)مثبت­) ایستیقامته یؤنلتمیشدیلر. بئله شراییطده، آنلاردا باشقا شئی حاقیندا نسه دئمگین یئری دئییلدی، هئچ کیم ساری سیمه توخونماق ایستمیردی.  بلکه ده اونا گؤره کی، ساری سیمین قیریلماسیندا بو عایله لرین گوناهی یوخ ایدی. آخی دونیانی بؤیوک شخصیتلر دئییل، بؤیوک دؤولتلر اؤلچولری، دوغرو » بؤیوکلوک « ایداره ائدیر. آما معیارلاری بیلنلره عایید ائدیلسه داها اؤنملی اولاردی.  سامیر خیالن دوغولدوغو یئری، ائل اوبانی – یادداشینا کؤکلهدی و دریندن آه چکدی. سامیره ایله سوساننا ایسه بئله شئیلری صاف چوروک

ائتمکدن اوزاق ایدیلر، اوشاق نوازیشی ایله بیر بیرینه  باخیب گولومسه نیردیلر.

ارسال دیدگاه