شئعر / دؤکتور سید مجید جوادی زیوه

باغلادیم افسوس دیل هر دلبره ، سلطان کیمین
عشوه ساتدی نازلانیب قاچدی داغا جیران کیمین

چوخ سحرلر غصه دن کی لایق صید اولمیام
منتظر قالدیم شکار ائتسین منی طرلان کیمین
سیزلادیم ساز تک، کؤزردیم تا کول اولدوم شوقدان
آچ قولون آل باغریوا ، بو عاشقی جانان کیمین

او دوداق ضحاکیوا تسلیمم ای شاه ستم
چال منی قوی اودلانیم بیر شعله ی سوزان کیمین

ساچلارین افعی تکین سال بوینوما مسحور ائله
قوی جالانسین جانیمه عشقین قیزیللی قان کیمین

من کی تسلیمم سنین فرمانیوا محبوب من
ایسته سن دونقوز اوتاررام ، روز و شب صنعان کیمین

قالمیشام حیرتده یارب بو جلال عشقیدن
وحی ایله سرّسماواتی یازیم قرآن کیمین
یوخ «حبیب»ین سندن آرتیق باشدا بیر عشقی صنم
من کیچیک سربازینم ، دستور وئر سلطان کیمین

دؤکتور سید مجید جوادی زیوه

 

 

ایضاح:

بو شعری گؤرکملی ادیب و یازاریمیز حمید احمدزاده جنابلاری یوللامیش و بالاجا بیر ایضاح دا (آشاغیداکی جمله لرله) آرتیرمیشلار:
دوکتور جوادی زیوه لی ، اصلینده خالخالین سیدلر زیوه سیندن دیر . آتا باباسی آذربایجانین بؤیوک دین عالیملریندن و آذربایجانین سیاسی اجتماعی حرکتلرینده ان بؤیوک آددیملار آتمیشلار .
دوکتور جوادی ادبیات ساحه سینده دوکتورا آلمیش، کرجده دانشگاهدا خوجالیق ائدییور .
کامل شاعیردیر ، فنون بلاغی و فنون ادبی یه . علم قرآنا ، احاطه کامیلی واردیر .

 

قیزیل قلم: بیرده شاعیرین شکلی نین یئرینه شئعری گؤنده رن عزیز دوستوموز و دیَرلی یازاریمیز مهندس احمدزاده نین شکلینی قویدوق.

ارسال دیدگاه