من آنا دئینده – کریم مشروطه چی “سؤنمز” جنابلاری نین کتابی یاییلدی

 

بو عنواندا کتاب، چاغداش بؤیوک شاعیریمیز کریم مشروطه چی سؤنمزین ۸۰ ایلینی بیتیریب و ۹۰جی ایللرینه داخیل اولدوغو اوچون یازیبسا دا، یئنی گؤزه للیک لر و تازا سؤزلرله برابر بیر شاعیرانه دویغو ایله اوز – اوزه گلیریم. بو کتابدا من آنا دئینده عنوانلی بیر شئعرین ایکی بندی بئله دیر:

من آنا دئینده طبیعت گولو،

تومورجوق چیتلاییر، یاز چیچکله نیر

تو، منه اؤیره دن بو گؤزل دیلده

دویغولار گول آچیر، سؤز چیچکله نیر.

من آنا دئینده قایناییر قانیم

اوره گیم گول کیمی یئلده تیتره ییر

بیلمیرم بو سؤزده نه عظمت وار

شأنینه داغلار دا باشینی أییر. . .

آنجاق بو کتابین اساس شئعری بیر داستان دیر حاجی لئبلک آدیندا. شاعیر اونا بیر اؤن سؤز ده یازیر و اونون یازماغینین ضرورتیندن دانیشیر و بو شئعرله اونا قارشی گلیر:

اوزده نئجه قاش یئری وار، گؤز یئری

هر سؤزون ده اؤز وقتی وار، اؤز یئری.

سؤزو سؤیله اؤز وقتینده، یئرینده

سونرالار قویما قالا سؤز یئری.

شاعیر بو مقدمه ایله اثرینی آز بیر ساییدا نشر ائده رک، اونون اصلی تیراژدا نشرینی بونون سسینه سس ورنلرین ساییسینا حواله ائدیر. آنجاق بو دوشونور شاعیریمیزین هر ایشی کیمی بو ایشی ده ریرلی دیر. بو گؤزل اثرین یوخاری بیر ساییدا نشری نین یولونو گؤزله ییر یک. من اثری آراشدیرمانی بو یاخینلیقدا یایاجاغیق الله قویسا!

من آنا دئینده

ارسال دیدگاه