شئعر / کریم احمدیان (شاهید)

 

سانجېلدې گؤزۆمه بیر تانېش باخېش

گۆلۆش‌لر دؤشه‌نیب دۏداقلارېنا

گیزلنمک ایسته‌دی باخېشلارېم‌دا

باخېشېم جالاندې آیاقلارېنا

 

اؤنۆمده بیر سئوگی باخېش گیزلی‌جه

دۏنوب‌دور سس‌سیزجه یانېب هر گئجه

یازېب دفترینه وئریبدیر منه

اۏخویوب بیلمه‌دیم من یازېق نئجه

 

ال‌لریم دۏنوب‌دور باخېشلارېم ‌دک

اۏ گؤزل سئوگینه هئچ اینانمادېم

غریب بیر کۆچه ‌ایدی یاشلې بیر باخېش

باخېب باخېشېنا من یانانمادېم

 

 

اۏخلانمېش قوش کیمی قانادېم سېنېب

سوروندوم باغلاردا من یووا تاپام

اۆره‌ڲیم اۏدلانېب تامام یانمادان

بو گیزلین سئوگینی بیر یۏللوق آتام.

 

ارسال دیدگاه