ياغدي قار

 

ياغدي، ياغدي، ياغدي قار

قارلادا يئر اوْلدي دار

قار بوٍرودو داغ ـ داشي

گوًروكمه‌دي داغ باشي

تارلا چمن، همده باغ

هر بيريسي گئيدي آغ

قار اوٍستونه ياغدي قار

قالدي يازا ياديگار

ياز گلدي قار اوْلدي سوُ

آخماجا يا دوْلدي سوُ

دوٍشدو يوْلا آخماجا

هاردا تاپدي بير باجا

باتدي گئتدي اوْرادان

هاردان چيخدي سوْرادان؟

چيخدي چايدان ـ بوُلاقدان

ياخيندان يا اوُزاقدان

قار اوْلماسا، سوُ اوْلماز

قاردان ـ بوُزدان ياغيشدان

يازدان، يايدان يا قيشدان

فايدا گوًره‌ر دوٍنياميز

عوًمور سوٍرَر دوٍنياميز

ارسال دیدگاه