شئعر / رضا دژبان (آراز زنگانلی)

قاراباغین حسرتینده قالمیشام
داغلاریندان بیراز منه قار گؤندر
قؤجالمیشام اؤلوم کسیب قاپینی
باش داشیمی قایالاردان یار گؤندرر,,,,
حسرتده یم داغلاریندان قار گؤندر,,

عارسیز عارسیز آنا دیلین دانانا
اؤز ائلیمده بیزی اؤزگه سانانا
یاد ائوینه چراق اولوب یانانا
ووقاریندان غئیرت گؤندر آر گؤندر,,,,
حسرتده یم داغلاریندان قار گؤندر,,

شلاله لی داغلاریندا گؤزوم وار
یانیق یانیق دئیلمه میش سؤزوم وار
نئچه بؤلگه تپه لریم دؤزوم وار
توپراغیندان مزاریما یار گؤندر,,,
حسرتده یم داغلاریندان قار گؤندر,,

قویما گؤزوم حسرت قالا داغلارا
بولبول اؤتن یاشیل یاشیل باغلارا
قایتار منی قایتار جاوان چاغلارا
اؤره ییندن نلر کئچیر وار گؤندر,,,,
حسرتده یم داغلاریندان قار گؤندر,,

تاریخ بویو هفته لری ایللری
شاد یاشاسین وطن دی ین دیللری
باس باغرینا آراز سئون ائللری
تمارزی یام باغلاریندان نار گؤندر
حسرتده یم داغلاریندان قار گؤندر

آراز زنگانلی رضا دژبان

ارسال دیدگاه