کفتر باز / ندا صمدی

پوزقون گنج اوغلان ایمام رضا (ع)ین حرمینه گیریب، حوض قیراغیندا اوتوروب باشینی اللرینه آلدی.

یادینا گلندن اوشاقلیغدان آتاسی ایله کفتر ساخلاییب، اوچوردوب، اویناتمیشدی.

ایندی‌ایسه سئودیگی قیزین آتاسی:  کفترلرین بوراخسان منیم قیزیما ائلچی دورا بیله رسن.  دئمیشدی”

فیکره جوموب نه ائده جگینی، کفتر لردن نئجه آیریلماسینی، اونلاری کیمه تاپشیرماسینی دوشونه بیلمه ییردی.

بیر آن دا ، حرم‌ده اولان کفترلرین قاناد سس لری ایله فیکیردن چیخدی.

سئوینرکن گولومسه نیب یا ایمام رضا، کفترلریمی سنه امانت تاپیشیریرام دیه، کفترلری گتیریب حرمده بوراخماق ایچین، ائوینه ساری یولا دوشدو.

1392082512262163456024

دقت: بو حیکایه کریمان جشنواره سینده بیرینجی اولموشدور.

ارسال دیدگاه