تبریز ناموسو تاریخی رومان کتابی یاییلدی

تاریخی رومان
فرمان کریم‌زاده
حاضیرلایان: مهدی میمندی
رقعی. ۲۸۴ صفحه.

ناشر: آذرتورک تبریز، نباتی نشریاتی امکداشلیغی‌لا.
تبریز، امام خیاوانی، طالقانی اوچ یولو، استادشهریار تجارت مرکزی، آلت قات، ۴۶ نومره‌لی پلاک.

فرمان کریم‌زاده ۱۹۳۷- جی ایل بؤیوک وئدی کندینده آنادان اولموشدور. مسکودا عموم‌اتّفاق دولت سینما انستیتوتونون سناریو فاکولته‌سی‌نین ایکینجی کورسونو بیتیرمیشدیر (۱۹۶۷-۱۹۶۵). آذربایجان دولت تلویزییا و رادیو وئریلیش‌لری کمیته‌سینده ترجمه‌چی، باش رئداکتور، «آبشئرون»، «ادبيّات و اینجه‌صعنت» قزئتلری‌نین رئداکسییاسیندا شعبه مدیری، ادبی ایشچی (۱۹۷۰–۱۹۶۶)، ج. جبارلی آدینا «آذربایجان فیلم» کینواستودیاسیندا اداره هئیتی عضوو (۱۹۷۷-۱۹۷۰)، «ادبيّات و اینجه‌صعنت» قزئتی‌نین خصوصی مخبری (۱۹۸۰-۱۹۷۷) اولموشدور. شووه‌لان یارادیجیلیق ائوینین رئییسی (۱۹۸۱-۱۹۸۰) ایشله‌میشدیر. ف.کریم‌زاده «چالدیران دؤیوشو»، «خدافرین کؤرپوسو» تاریخی اثرلری‌نین، «تبریز ناموسو»، «قارلی آشیریم» (بو اثرین اساسیندا «آخرینجی آشیریم» بدیعی فیلمی چکیلمیشدیر)، «قوجا قارتالین اؤلومو» و سایر مشهور اثرلرین مؤلیفیدیر. ف.کریم‌زاده ۱۹۸۹- جو ایل مارت آیی‌نین ۱۷- ده وفات ائتمیشدیر.

تبریز ناموسو» اثرینده فرمان کریم‌زاده ۱۴-۱۳ – جو عصرلره گئدیب چیخیر. اوزاق کئچمیشیمیزه پارلاق گوزگو توتماغا چالیشان مؤلف اوچون باشلیجا منبع ایسه اورتا عصر تاریخچی‌سی فضل‌الله رشیدالدّین‌ین «تاریخلر توپلوسو» («جامع التواریخ») اثری‌دیر. فضل‌الله رشیدالدّین‌ین یارادیجی‌لیغیندا اؤنملی یئر توتان بو اثرده ۱۴-۱۳ – جو عصرلرده مسلمان شرقینده، خصوصی‌له آذربایجان‌دا ائلخانی‌لر حکمدارلاری‌نین دؤرو تصویر اولونور و ف.کریم‌زاده ده بو نقطه‌ده تاریخچی ایله بیرگه حرکت ائدیر. لاکن یازیچی تاریخی حادثه‌لری و شخصیت‌لری بدیعی‌لیک معیاری ایله تصویر ائتمیش‌دیر.

نظرات

ارسال دیدگاه