آشیق ستار خدائی

 

    آشیق میرزا علی خدائی زنگانین آدلی – سانلی آشیقلاریندان ساییلیر. اونون اوغلو آشیق ستار خدائی بوگون زنگانین ده یرلی و اوستاد آشیقلارینداندیر.

آشیق ستار خدایی ۱۳۳۹ ایلینده زنگان اطرافیندا دونیایا گلدی. اونون آتاسی دا ائله آشیق ایدی. ستار ۱۲ یاسیندان اؤز آتاسی یانیندا آشیقلیق صنعتینی اؤیرنمه یه باشلادی. ایلک اؤنجه قاوای چالماغینان موسیقی دونیاسینا داخیل اولدو و آز بیر زاماندا سازی الینه آلدب. چوخ تئز داستانلاری اؤیرندی و بیر چوخ داستانلار سؤیله­ مکده ماهیر بیر آشیق اولدو. اونون اوستادلاری آتاسیندان علامه، آشیق عوض، آشیق مسلم ده اولموشدور. ۱۳۶۷جی ایلده کامل بیر آشیق کیمی صحنه­ یه چیحیب و اؤز هنرینی گؤسترمه ­یی باجاریر. اؤلکه­میزده بیر چوخلو فستیواللاردا اؤدول قازانمیش و اؤلکه­میزده ائشیکده ده موسیقی اجرالاری و چیخیشلاری اولموشدور. بوگونه کیمی تورکیه، آذربایجان جمهوروسو، ارمنستان و بوسنی هرزه گوین کیمی اؤلکه ­لرده چیخیشلاری اولموشدور.

   آشیق ستار خدایی دوغرودان دوغروسونا بوگون زنگانین چوخ بیلن، گؤزل چالیب – اوخویان و اوستاد آشیغی ساییلیر. او باش بیلن بیر آشیق اولاراق، زنگان آشیق صنعتی نین ده آبروسودور.

   آشیق سلجوق شهبازی آشیق ستار حاققیندا دئییر: ایراندا بیر آشیق تاپا بیلمزسن کی او آشیق زنگانا گلمیش اولسون، آشیق ستار اونو قوناق آپارماسین و اونا سفره آچماسین. دئییرم بدله صنعت و صنعتکار باشین اوجالدان آشیقلار هئچ بیر زامان نه ائدیم، نئجه ائدیمه دوشمه­ سین. آمین.

ارسال دیدگاه