حکیم عمر خیامین رباعی لری آذربایجان تورکجه سینده / کریم مشروطه چی

اوستاد کریم مشروطه چی سؤنمز تخلصو ایسله آذربایجان چاغداش ادبیاتی نین ذیروه لریندن ساییلیر. اونون نئچه شعر دفتری ایله برابر بیر سیرا ادبی نظریه لری واردیر. بورادا اونون چئویری اثرلریندن بیری اولان عمر خیامین روباغی لریندن چئویریسینه باخالیم. سؤنمزین بو چئویریسی خیامین ۹۰ روباعیسینی احتوا ائدیر. بو کتاب جیبی بؤیودوونده یاییلمیش و روباعیلر ۹ بؤلومه بؤلونه رک هر بؤلوم بیر قونونو احتوا ائدیر. هر صفحه ده ایلک فارسیجا اولان اصل متن وئریلیر، سونرا توکو ترجمه سی نین لاتین الیفاسیندا و سونرا عرب الیفباسیندا یازیسی گلیر. اساس، اونون گؤزه ل ترجمه لری دیر. ایندی نئچه ترجمه یه دقت بویورون:

صرصر یئلی اسمه سه یدی، گول سولمازدی

بولبول گولون آرزیسیندا سارسیلمازدی

عالمده عدالت له دولانسایدی حیات

حکمتده داها معادا یئر قالمازدی.

گل – گئتلی بو دؤراندا کی بیز بیتمه ده ییک

نه ایلکینی، نه سونونو درک ائتمه ده ییک

بو سورغویا کیمسه وئرمه ییر دوغرو جواب

هاردان گلیریک و یا هارا گئتمه لی ییک؟

عمرون باهاری مریدِ اوستاد اولدوم

بیر جار دا اؤز اوستادلیغیما شاد اولدوم

باخ سون سؤزومه، گؤر کی نه گلدی باشیما

تورپاقدان اولوشدوم، گینه بر باد اولدوم

بو اثر ۱۳۹۵ ایلینده یاییملاندی.

ارسال دیدگاه