حکیم هیدجی نین حماسه عاشورا اثری یاییلدی

حکیم هیدجی آذربایجانین اوچ دیللی شاعیری و بؤیوک فیلسوفودور. او، یوز ایل بوندان اؤنجه اوچ دیلده یوکسک سویه لی دوشونجه لرینی گؤزل منظومه لر و غزللرده یازمیش و بیزه یادگار قویموشدور. حکیم هیدجی درین دوشونجه لی بیر عالیم و فقیه، تدبیرلی بیر سیاستچی و گؤرکملی بیر شاعیردیر. اونون نئچه – نئچه اثرلری الده دیر. حکیم هیدجی نین یوکسک درجه لی بیر فقیه اولدوغونو اونون فلسفی و مذهبی گؤروشلریندن آلماق اولور.  تورکجه دیوانی دا آذربایجان ادبیاتیندا اونون یوکسک دورومونو گؤسته ریر. اونون اثرلری آراسیندا بیر تورکجه مثنویسی ده واردیر. اونون آدی “قصه ی عاشورا” اولاراق، شاعیرین گنجلیک دؤورانینا عایید بیر اثردیر. آنجاق بو اثر ادیبلرین دقتینی اؤزونه جلب ائتمه میش و چاپ اولمامیشدیر. ایلک دفعه م. کریمی حکیم هیدجی نین تورکجه دیوانینی ۱۳۸۲جی ایلده ترتیب ائتدیگی زمان بو مثنوینی ده داخیل ائتدی. ولی تاسفلرله اونا اجازه وئریلمه دی. نهایت ۶جی چاپدا تورکجه دیوانیندا چاپ اولدو. ایندی بو اثر، حکیمین الیازماسینا اساسلاناراق دوزگون بیر صورتده یاییلمیشدیر. بو اثر تبریزده اختر نشریاتی طرفیندن یاییلیبدیر.

حماسه کربلا

ارسال دیدگاه