تضمین مولانا«فضولی»حضرتلرینین غزلینه / اکبر ستاری «قیزیل قلم»

نِئجه رغبتیله کؤنلوم اؤْزونَه مُراغب اولموش
گؤره گؤزلزیم او یاری ئورَگه مراقب اولموش
گئجه گوندوزعشقِ یاره ئورگیم مصاحب اولموش
گؤرونَن داغا اوزاق یول دِئمگیم مصاعب اولموش
منیلن اونون آدیندا بِئلَه بیر مناسب اولموش
او کی جانیمه ازلدن هدف اوسته صاحب اولموش
«بُتِ نورسیم نمازه شب و روز راغب اولموش»
«بونه دیندیرآلله ـ آلله بُتَه سجده واجب اولموش»

بُتــا قیلدیقی عبادت اِئلییبدی سَلبِ طاقت
بونه سِرّدیر کی یاران بُته سجده اولدو عادت
قَدْاِقامةِالصّلاتی نِئجه قیلدی گؤر قیامت
اِئدیرم دعاکی یاریم دوراسجده دن سلامت
اوناشامل اولدو بَه بَه بو مقام استقامت
دایانیبدی قِبلَتِـیْنَـه دیلَنیر یِئنی کرامت
«اثرِقبولِ طاعت اوناوِئرمیش ئویله حالت»
«کی قلوبِ اهلِ حاله حرکاتی جاذب اولموش»

او مُحَصِّلین مُحَصَّلْ حسناتین حاصل اِئیلر
وَ مُعَلِّمینْ مُعَلَّمْ اوخودوقجا قابل اِئیلر
منیده نگارین عشقی هدفه مُعامل اِئیلر
گؤره حالِ زاریم حتماً اؤزوْ فیض شامل اِئیلر
برکاتین آرتیرارکَن نَعَماتی کامل اِئیلر
یازیلان طلسم و سِحری باخیشیلا باطل اِئیلر
«فَرَحیم گؤروب جفاسین حسناته داخل اِئیلر»
«نه مَلَکْ کیم اول پرینین عملینه کاتب اولموش»

گؤزومون ئونون دومان چَن بورویوب قارالدی گؤزلر
اَسیلیبدی باشیم اوستن ساری یِئل آلووْلوْصَرصَر
قیزیشیب دامارداقانیم قیزاران شرابه بنزر
منه کافی گؤزیاشیمدیر اونا سلسبیل و کوثر
یانیرعشقیدن وجودیم آلیشیرجانیم سراسر
منیچون عیاندی نالَمْ یِئتیشر او یاره آخر
«نه عجب گراولساغمدن دُونوم و گونوم برابر»
«نظریمدن اول اوزوگول نئچه گون کی غایب اولموش»

گَلَه اؤزگؤزویله بیرگون گؤره گردنیمده یوقی
آپارا یانینجا قول تک ئورگینده آرتا شوقی
یازا قیمتِ گرانه سالا اغتشاشه سوقی
آپاریب غلام آدیلان ساتاعیبی یوخدو فوقی
دییه کیم«قیزیل قلم»دیراولوب ایندی جَلْدْطوقی
اودوصاحب اختیاریم نه برابرینده عوقی
«غمِ هجریدیرکی آرتار اِلَم اییله عشق ذوقی»
«غلط اِئیلَمیش«فضولی»کی وصاله طالب اولموش»
اکبرستاری✍«قیزیل قلم»

 

ارسال دیدگاه