اوشاقلارا اوچ شئعر

ناغيل دئييم

خيرداجالار آي اوُشاقلار

قيزيل گوٍله تاي اوُشاقلار

گئجه اوُلدوز، آي اوُشاقلار

گلين سيزه ناغيل دئييم

زحمت چكن آتالاردان

محبتلي آنالاردان

سوًزه باخان بالالاردان

گلين سيزه ناغيل دئييم

پاشالاري ييخانلاردان

آمريكاني سيخانلاردان

اوْ خانلاردان، بو خانلاردان

گلين سيزه ناغيل دئييم

 

 

 

يئميش

باغا گئتديم اوْ باشدان

آلما دَرديم آغاشدان

يئتگينلري خوْشلاديم

كاللاريني بوْشلاديم

بيريسي آغ، بيري آل

هري بيرينين دادي بال

هر يئميشين آدي وار

خوْشا گليم، دادي وار

يئميش بيزه فايدادي

همده سيزه فايدادي

تاري قوُروب هر ايشي

يارالديبدي يئميشي

ديش وئريب‌دي بيچمه‌گه

آليب يئييب ايچمه‌گه

هاممي يئسين خوْش اوْلسون

آليزليقدان بوْش اوْلسون

اوُشاق يئسين، يئكلسين

بوًيوك يئسين، كوًكلسين

 

آی اوشاقلار! سیز ده بیلگی سایاردان استفاده ائدین. سیزلر اوچون چوخلو سایتلار واردی. بیری ده : یئنی قاپی

سارا

قيزيم سارا، نازيم سارا

گوٍلوم سارا، يازيم سارا

واريم، يوْخوم هر بير زاديم

چوْخوم سارا، آزيم سارا

باليم، دوُزوم، جانيم گوًزوم

سوًزوم سارا، سازيم سارا

گوٍلومسه‌ييب گوٍلدور مني

غملره گوْر قازيم سارا

گله‌جه‌يين حياتينا

سني اوُمود يازيم سارا

قيزيم سارا، نازيم سارا

سنه آلقيش يازيم سارا

 

ارسال دیدگاه