شعر / مرحوم فیروز زادقاسم (کنداوغلو صمصام ) میاندوآبی

 

بیزیم یئرده گؤزل گوللر ازل گوندن ازیلمیشدیر

بوتون بهلول دورانلار دلی آددا آتیلمیشدیر.

خزان چؤکموش گولوستاندا اورکلر ده خزان اولموش

تؤکولموش بولبولون قانی گولون باغری یاریلمیشدیب.

سیخینتی – زور – قارانلقلار همیشه حاکم اولماقدا

ایشق لیق اوردوسی مین یول بو تورپاقدا باسیلمیشدیر.

نه چوخ بهرنگی لر دوستوم آراز چاییندا غرق اولدو

نه چوخ عین القضات لار کی دار اوستوندن آسیلمیشدیر.

ضابط لر معلم لر نشان آلماقدا فرعوندان

نه چوخ عشقی و لاهوتی ایاق آلتدا ییخیلمیشدیر.

اولان اولدی کئچن کئچدی، گلیپدی آیری بیر دوران

ائوی ناکس لرین اوددا سحر چوخدان آچلمیشدیر.

حقیقت گون کیمی پارلیر، اونو دا گیزله دن اولماز

ائشیت کنداوغلونون شعرین، بو دا دوستوم تاپیلمیشدیر.

 

ارسال دیدگاه