ايران عاشیقلار بيرليگيندن يئني بير لايحه

ايران اسلام رئسپوبليکاسينين پايتختي تهران شهرينده (۱۹ آذر ماه ۱۳۹۶) تاريخينده ايران عاشیقلار بيرليگينين تشکيلاتچيليغي ايله عاشیق غريبه حصر اولونموش بين¬الخالق عاشیق فئستيوالي کئچيريله‌جکدير.
فئستيوال ايران عاشیقلار بيرليگي ايله ياناشي، عاشیق قريبين دوغولوب بويا-باشا چاتديغي شهرک قصبه سينين ضياليلارينين، خصوصاَ ده حؤرمتلي شاعير شهرک ميرزه‌نين دستگي ايله باش توتاجاقدير.
ايران عاشیقلار بيرليگينين قوروجوسو و صدري عاشیق سلجوق شهبازينين معلوماتينا گؤر، فئستيوالا بئش تورک دولتيندن عاشیقلار دعوت اولوناجاقدير. عاشیق قريب بين¬الخالق عاشیق فئستيوالينين رئژيسورونون مطبوعاتدا وئرديگي خبرده ايسه بيلديريلير کي، فئستيوالدا ايران اسلام رئسپوبليکاسينين اورمييا عاشیق موسيقي مکتبيندن، تبريز، زنجان، قاراداغ، مرند، همدان، تهران، خوراسان، ميانا، پارساباد، ساوه و کرج عاشیق
قروپلاري دا چيخيش ائده‌جکدير.
فئستيوالدا اشتيراک ائتمک ايسته‌ينلر ( ۱۵ آبان ۱۳۹۶) “عاشیق قريب و شاه صنم” داستاني موضوع سوندا مقاله حاضيرلاييب ashiq¬shahbazi@yahoo.com ائلئکترون آدرئسينه گؤندره بيلرلر. قبول اولونان مقاله‌لر فئستيوالين بولتن کتابيندا نشر اولوناجاقدير.
قئيد ائدک کي، مقاله‌لر ۱۰ صحيفه دن آرتيق اولماماليدير. مؤليفلر کيچيک بيوقرافييا و شکيللريني ده گؤندرمه‌ليديرلر.

ارسال دیدگاه