داریخما / یوسف جوادی

اولدوزوم داریخما قاییداجاغام

گونشین ایشیغین درندن سونرا

بیلیرم گئجه لر گؤزله ییر منی

سحرین دانیندان آسیلاجاغام

سؤز وئرمیشم لالا تومورجوغونا

ایستی تورپاغیندان قالخماسین هله

گئجه لر اوزوندو دایانسین دئیه

هر یئری دئشیرسن بیر اولدوز چیخیر

گؤزو باغلی سوبایلیغی اگنینده

سؤز وئرمیشم سحرین دان چاغی

بیلیرم گئجه نین گوزو قاماشسا

قودوز کؤلگه لری اوووتماق اولماز

داش بئیین قایالار ائله یاتیبلار

گونش پارتلاسادا اویاتماق اولماز

گؤزومو آچاندان گئجه نی گؤردوم

قارانلیق اینانجا اویموشدوم یوخسا

اؤزگور اوچان آتش بؤجک لرینین

ایشیق ترانه سی اویاتدی منی

اولدوزوم داریخما قاییداجاغام…

(یوسف جوادی)

ارسال دیدگاه