قیرخ آیاق» ناغیلی… / اکبر ستاری “قیزیل قلم”

بیر قیرخ آیاق واریدی، چوخ گؤزل رقص ائلییَن زامان بوتون جنگلده اولان حیواناتلار دؤوره سین آلیب اونو آلقیشلایاردیلار و چوخلو آفرینلر دئییب قیرخ آیاغی تشویق ائله ییرمیشلر.
تکجه بیر «چاناغلی باغا» یا همن«توسباغا» پاخیللیق ائدرکن هئچ قیرخ آیاغین رقصیندن خوشو گلمیردی…
بیرگون گؤتوردو بیرمکتوب یازدی و قیرخ آیاغ جنابلارین بیر چوخلو تعریفلره معروض ائدیب و یازییر کی:
آی گؤزل و تایسیز قیرخ آیاغ، من سنین هوسکارین و چوخ ایستیینلریندن بیری یم! و سنین رقصینه عاشقم! آما بیر سؤال منه جاوابسیز قالیب کی ایستیرم سندن خبرآلیب و بیلم! آیا سن اوّلجه ۲۸جی قیچینی یئردن قالدیریرسان سونرا،۱۴جی آیاغینی؟ یوخسا اوچونجو آیاغینی اولجه گؤتورورسن سونرا۳۹جی آیاغینی؟ و هابئله ۳۳جو آیاغینی برکیدیب ۴۰جی آیاغینی قالدیریرسان رقص ائده سن؟ جاوابینا یول گؤزلیین سنین ایستکلی دوستون: “توسباغا ”
قیرخ آیاغ بو مکتوبو اوخویا – اوخویا چوخلو فیکره خیالا دالدی!! و اؤز – اؤزونه دئدی :دوغوردان دوغورسو بو نئجه آیاقلارینین رقصه تنظیم ائدیب قالدیرماسین ندن ایندیه قدر باشا دوشمه ییب.. داها او آنلاردان سونرا تأسفلر اولسون کی یازیق «قیرخ آیاق»هئچ رقص ائده بیلمه دی!!…

دقّت:
پاخیل انسانلارین یئرسیز و هَدَر سؤزلری همیشه بیزیم داهی و تخیّل قوّه لریمیزه تأثیر بوراخار و قویماز کی ذوروَه لر موفقیت آددیملاری گؤتورولسون، بلکه ده مانع یارادار..
ترجمه ائدن: اکبر ستاری “قیزیل قلم”

ارسال دیدگاه