من سنم آخی / تایماز مییانالی

قارا گؤزلرينده گؤزلريم قاليب
يوخلوغون كؤنلومو پيس گونه ساليب
مندن منليگيمى چوخداندير آليب
اؤلدوم يالقيزليقدان گل داها دورما

سن منيم اؤزومسن گئتدين بس هارا؟
گئديشين چكيبدير كؤكسومه قارا
گئدركن ويريبسان قلبيمه يارا
بو يورغون گؤزلرى بيرداها يورما

دون گئجه سؤيله دين گله جه يم من
بو يانليش خيالدان ساچيمدا وار دن
آند اولسون جانينا من اولموشام سن
سن داها منيمدن منيمى سورما

تايماز اينانمازديم بئله سى اولا
پاييزدا گول آچيب باهاردا سولا
دوغماز بولود كيمى عشقينده دولا
بوندان آرتيق يولدا بوينومو بورما…

شئعر: تايماز مييانالى

نظرات

ارسال دیدگاه