حيات / حبیب فرشباف

 

 

بير پاكات وئر- دئديم
اؤلچوسوز،
سئچيم:
ايل لري
جوان ياشلي آيلاري
ياز ناخيشلي گوندوزلري
سئوينج،
فرح دولو گئجه لري؛
بال يوخولو بيرعؤمور . . .

قاچدي دوداغي،
بولاياركن باشيني
چاتدي قاشيني؛
درهم – دئييب دولدوردو
هيجرانلي وصاللي
ساييلي گونلري,
دئدي: آل!
نه سئو ينجينه بئل باغلا
نه قاپانيب كده‌رينده قال!
دؤزه بيلمه ينده
آجيسيني، شيرينینه قات!
بئله دير حيات . . .

حبیب فرشباف

ارسال دیدگاه