شئعر / سولماز حیدری

 
دیوارا آسیلمیش، بوش بیر چرچیوه
هر کیم نه ایسته رسه، آسار اؤنونده
بیری طبیعتی، بیریسی اؤزون
بیرنفر باریشی، بیری ساواشی
آنجاق هر کیم اؤزو، نه سئویر، سئوسین
اؤز اورک دیله یین چرچیوه ائتسین
من بنزه ییرم بوش، بیر چرچیوه یه ـ
ایسته دیکلری تک، گؤرورلر منی
اولدوغوم کیمی یوخ، سئودیکلری تک
دوستاق اولورام بوش چرچیوه لرده
اؤزلویوم ایتیری، قابلار ایچینده
تاپا بیلمه ییرم، اؤز لویومو من
عصیان ائده جه یه م، سیندیراجاغام
دیوارا آسیلمیش، دوستاقلاری من
اؤزومه یاراشان، شکلیمی تاپیب
قاب ائده سی یم من، بوش چرچیوه یه.
سولماز

 

ارسال دیدگاه