شئعر / یوسف جوادی

قالخین قوشولون قایغی کش اینسانلارا، قالخین؛

سوچ سوز یئره حاقسیز تؤکولن قانلارا قالخین.

اورتاسیا دونیایا سیلاح لابراتوری دیر

هر آددیمینا کؤرپه دی قوربانلارا قالخین.

جانسیز بدنین دؤشلرین امدیکجه بالاسی

آغزیندان آخان قان قاریشیق جانلارا قالخین.

قوورولدو اوشاقلار جییاری بومبا توزوندان

خالقین اؤده میر وار – یوخو درمانلارا قالخین.

هر کس خیالین پالچیغینی اوینادیر الده

یئر – گؤی داغیدان تانری یارادانلارا قالخین.

دونیا دولانیر کرگدنین بوینوزو اوسته

هر ترپنیشی قورخودو حئیوانلارا قالخین.

هر یئر یانیر اوددان هارا قونسون کپنک لر

گؤیلرده، توخونموش دلی شئیطانلارا قالخین.

***

ارسال دیدگاه